જામનગરમાં ગોકુલ નગર વિસ્તારમાં એક વીજ ટ્રાન્સફોર્મરમાંથી બે ગાયોને વિજ આંચકો લાગ્યો

- ગાયોને બચાવવા ગયેલી વ્યક્તિને પણ વીજ આંચકો લાગ્યો હોવાથી તાત્કાલિક સમારકામ કરવા સ્થાનિકોની રજૂઆતજામનગર તા 5 જુલાઈ 2022,મંગળવાર જામનગરમાં ગોકુલ નગર વિસ્તારમાં શાયોના શેરી વિસ્તારમાં વીજ તંત્ર ના એક વિજ ટ્રાન્સફોર્મરમાં શોર્ટ સર્કિટના કારણે બે ગાયોને વિજ આંચકો લાગ્યો હતો. જેને બચાવવા જનાર વ્યક્તિને પણ વિજ શોક લાગ્યો છે. સ્થાનિકો દ્વારા આ મામલે સમારકામની ઝડપી કાર્યવાહી કરવાની સ્થાનિકો દ્વારા રજૂઆત કરવામાં આવી છે.જામનગરમાં ગોકુલ નગર સાયોના ગલી માં બાપા સીતારામ ની મઢુલી પાસે વિજ તંત્રનું એક ટ્રાન્સફોર્મર આવેલું છે, જેમાં બે ગાયોને વિજઆંચકો લાગ્યો હતો. આ વેળાએ સ્થાનિક લોકોએ દોડી જઈ ગાયને વીજ ટ્રાન્સફોર્મર પાસેથી દૂર કરવાનો પ્રયત્ન કરતાં સ્થાનિકોને પણ શોક લાગ્યો હતો. જો કે સદભાગ્યે કોઈને જાન હાની થઈ નથી.સ્થાનિક રહેવાસીઓ વિજ તંત્રને ત્રણ દિવસથી મૌખિક રજૂઆત કરવામાં આવી રહી છે. કોઈ જાનહાની થાય તે પહેલાં તાત્કાલિક ધોરણે વિજ ટ્રાન્સફર માં સમારકામ કરવા માટેની રજૂઆત કરવામાં આવી રહી છે.

આ પ્રકારના તમામ સમાચાર માટેે App ડાઉનલોડ કરો.