ઘંટેશ્ર્વર ચોકડી પાસેથી ચોરાઉ રિક્ષા સાથે વાહનચોર પકડાયો

શહેરના નવા દોઢસો ફુટ રીંગરોડ પર ઘંટેશ્ર્વર ચોકડી પાસેથી ચોરાઉ રિક્ષા સાથે વાહનચોરને ઝડપી લઈ પૂછપરછ કરતા મેટોડા જીઆઈડીસીમાંથી રિક્ષા ચોરી કર્યાની કબુલાત આપી છે.
જાણવા મળતી વિગત મુજબ, વણઉકેલાયેલા ગુનાઓ શોધવા માટેની સૂચના અન્વયે યુનિવર્સિટી પોલીસ મથકના પીઆઈ એ.બી. જાડેજાના માર્ગદર્શન હેઠળ પીએસઆઈ એ.બી.જાડેજા સહિતનો સ્ટાફ પેટ્રોલીંગમાં હતો દરમિયાન નવા દોઢસો ફુટ રીંગ રોડ પર ઘંટેશ્ર્વર ચોકડી પાસે એક શખ્સ રિક્ષા લઈ ઉભ્ો હોય જે રિક્ષા ચોરીની હોવાની બાતમીના આધારે યુનિવર્સિટી પોલીસની ટીમે તાત્કાલિક દોડી જઈ શંકાસ્પદ રિક્ષા સાથે ઉભેલા શખ્સની અટક કરી તેની પૂછપરછ કરતા તેનું નામ રવિ રમેશભાઇ ફતેપરા (રહે. લોધિકા રોડ, આશિર્વાદ ગ્રીન સીટી ફ્લેટ નં.201) હોવાનું અને તેની પાસે રહેલી રિક્ષા નંબરના આધારે પોકેટ કોપમાં સર્ચ કરતા તેના માલિક વિક્રમભાઈ અંબાભાઈ સબરિયા (રહે. મેટોડા) હોવાનું જણાતા પોલીસે આરોપીની યુક્તિ-પ્રયુક્તિથી પૂછપરછ કરતાં તેણે ગઈકાલે સવારે મેટોડા જીઆઈડીસી કિસાન ગેઈટ અંદરથી ચોરી કર્યાની કબૂલાત આપતા પોલીસે તેની ધરપકડ કરી વધુ પૂછપરછ હાથ ધરી છે. આરોપી વિરુધ્ધ લોધિકા પોલીસમાં ચોરીના બે ગુના નોંધાયેલા છે.

આ પ્રકારના તમામ સમાચાર માટેે App ડાઉનલોડ કરો.