મહિલાના હાથમાંથી મોબાઇલ અને પર્સની ચીલઝડપ કરનાર ઝડપાયો

શહેરના નાનામવા નજીક સ્પીડવેલ પાર્ટી પ્લોટ નજીક શ્રીનાથજી હવેલી પાસેથી ગત તા.28ના એક દંપતી સ્કૂટર પર પસાર થતું હતું અને સ્પીડબ્રેકર આવતા સ્કૂટર ધીમું કરતા જ એક બાઇકચાલક ધસી આવ્યો હતો અને સ્કૂટરમાં પાછળ બેઠેલા મહિલાના હાથમાં રહેલો મોબાઇલ અને પર્સ ઝૂંટવી નાસી ગયો હતો, આ મામલે તાલુકા પોલીસ સ્ટેશનમાં ફરિયાદ નોંધાઇ હતી. તાલુકા પોલીસે સીસીટીવી ફૂટેજ સહિતના આધારે તપાસ શરૂ કરતાં ચીલઝડપમાં 150 ફૂટ રિંગ રોડ પરની માટેલ સોસાયટીમાં રહેતા જયદીપ ભરત પરમાર (ઉ.વ.22)ને ઝડપી લીધો હતો, પોલીસે ‘સમડી’ જયદીપ પાસેથી રોકડા રૂ.2 હજાર, મોબાઇલ અને બાઇક સહિત કુલ રૂ.28 હજારનો મુદ્દામાલ જપ્ત કર્યો હતો.

આ પ્રકારના તમામ સમાચાર માટેે App ડાઉનલોડ કરો.