‘કન્હૈયાની જેમ ગળું કાપીશ’, ઉદયપુર ઘટના બાદ હવે નવીન જિંદાલને મળી ધમકી

- નવીન કુમાર જિંદાલે મોહમ્મદ પયગંબર અંગે નુપુર શર્માની ટિપ્પણીના સમર્થનમાં એક ટ્વિટ કર્યું હતુંઉદયપુર, તા. 29 જૂન 2022, બુધવારઉદયપુરમાં દરજીનું કામ કરતા કન્હૈયા લાલની હત્યાથી સમગ્ર દેશમાં ખળભળાટ મચી ગયો છે. આ દરમિયાન ભાજપમાંથી હાંકી કાઢવામાં આવેલા નેતા નવીન કુમાર જિંદાલને પણ કન્હૈયાલાલની જેમ જાનથી મારી નાખવાની ધમકી આપવામાં આવી છે. નવીન કુમાર જિંદાલે ટ્વીટ કરીને ધમકીની જાણકારી આપી છે. તેમણે ટ્વીટ કર્યું હતું કે, આજે સવારે જ મેલ પર તેમને ધમકીઓ આપવામાં આવી છે. નવીન કુમાર જિંદાલે મોહમ્મદ પયગંબર અંગે નુપુર શર્માની ટિપ્પણીના સમર્થનમાં એક ટ્વિટ કર્યું હતું. આ કારણે તેઓ વિવાદોમાં પણ ફસાયા હતા અને ભાજપે તેમને પાર્ટીમાંથી હાંકી કાઢ્યા હતા. નવીન કુમાર જિંદાલે ટ્વીટ કર્યું છે કે, આજે સવારે લગભગ 06:43 વાગ્યે મને એક ઈમેલ આવ્યો હતો. તેમાં કન્હૈયાલાલની હત્યાનો વીડિયો હતો. મને અને મારા પરિવારને આવી જ રીતે જાનથી મારી નાખવાની ધમકી આપવામાં અવી છે. મેં પોલીસ કંટ્રોલ રૂમમાં આ અંગે જાણકારી આપી છે. પૂર્વ દિલ્હીના DCP, દિલ્હી પોલીસના સ્પેશિયલ સેલ અને પોલીસ કમિશનરે આ મામલાની તાત્કાલિક નોંધ લેવી જોઈએ. નવીન કુમાર જિંદાલને મળેલી ધમકીઓએ ચિંતામાં વધારો કર્યો છે. ખાસ કરીને એવા સમયે જ્યારે ઉદયપુરમાં જઘન્ય હત્યાકાંડને અંજામ આપવામાં આવ્યો છે. જેના કારણે સમગ્ર દેશમાં શોક અને ગુસ્સાનું વાતાવરણ છે.નવીન કુમાર જિંદાલે પોતાના ટ્વીટની સાથે ઈમેલના સ્ક્રીનશોટ પણ શેર કર્યા છે. તેમાંથી એકમાં લખ્યું છે કે,'આતંકવાદી નવીન કુમાર, હવે તમારો વારો છે. અમે બહુ જલ્દી તારું ગળું કાપી નાખીશું.'

આ પ્રકારના તમામ સમાચાર માટેે App ડાઉનલોડ કરો.