શરીર પર 2 ડઝન કરતા વધુ પ્રહાર, ગરદન પર 10 ઊંડા ઘા…કન્હૈયાલાલનો પોસ્ટમોર્ટમ રિપોર્ટ સામે આવ્યો

- શહેરના ધાનમંડી પોલીસ સ્ટેશન વિસ્તારમાં મંગળવારે 2 યુવકોએ આ હત્યાકાંડને અંજામ આપ્યો હતો ઉદયપુર, તા. 29 જૂન 2022, બુધવારરાજસ્થાનના ઉદયપુરમાં દરજીનું કામ કરતા કન્હૈયાલાલના પોસ્ટમોર્ટમ રિપોર્ટમાં ચોંકાવનારા ખુલાસા થયા છે. કન્હૈયાલાલના શરીર પર 26 ઘા મારવાના નિશાન હતા. સાથે જ ગરદન પર 10 ઊંડા ઘા મારવાના નિશાન પણ મળી આવ્યા છે. શહેરના ધાનમંડી પોલીસ સ્ટેશન વિસ્તારમાં મંગળવારે 2 યુવકોએ આ હત્યાકાંડને અંજામ આપ્યો હતો. પોલીસે બંને આરોપીઓની ધરપકડ કરી છે.કન્હૈયાલાલની ઉદયપુરમાં ભૂત મહેલ પાસે સુપ્રીમ ટેલર્સ નામની દુકાન છે. મંગળવારે બપોરે 2 યુવકો દરજીની દુકાને કપડાં સીવડાવવાના બહાને આવ્યા હતા અને માપવાના બહાને તિક્ષ્ણ હથિયાર વડે કન્હૈયાલાલની હત્યા કરી નાખી હતી. ત્યારબાદ બંનેએ વીડિયો શેર કરીને કહ્યું હતું કે, આ ઘટના ઈસ્લામના અપમાનનો બદલો લેવા માટે કરવામાં આવી છે.રાજસ્થાન SITએ આ કેસમાં બંને આરોપીઓની ધરપકડ કરી છે. જેમાં એકનું નામ મોહમ્મદ રિયાઝ અને બીજા આરોપીનું નામ ગૌસ મોહમ્મદ છે. આ ઘટના બાદ ઉદયપુરના 7 પોલીસ સ્ટેશન વિસ્તારમાં રાત્રે 8:00 વાગ્યા સુધી આગામી આદેશો સુધી કર્ફ્યુ લાદી દેવામાં આવ્યો છે અને મુખ્યમંત્રી અશોક ગેહલોતે લોકોને શાંતિ જાળવવા અપીલ કરી છે.

આ પ્રકારના તમામ સમાચાર માટેે App ડાઉનલોડ કરો.