જામનગર શહેર અને ધોરીવાવ વિસ્તારમાં દારૂ અંગે ત્રણ સ્થળે દરોડા: પાંચ શખ્સો પકડાયા

જામનગર તા 27 જુન 2022,સોમવાર જામનગર શહેર અને આસપાસના વિસ્તારમાં ગઈ રાત્રે પોલીસે ઇંગ્લિશ દારૂ અંગે ત્રણ સ્થળે દરોડા પાડ્યા હતા. જામનગર નજીક ધોરીવાવ પાસેથી ઈંગ્લીશ દારૂની હેરાફેરી કરી રહેલા બે શખ્સો પકડાયા છે. જામનગરના બુરહાની પાર્ક વિસ્તારમાંથી બાઈકમાં ઇંગ્લિશ દારૂ સાથે નીકળેલો એક શખ્સ પકડાયો છે. ઉપરાંત થાવરિયામાંથી એક શખ્સને દારૂ સાથે પકડી લેવાયો છે.જામનગરની સ્થાનિક ગુનાશોધક શાખાના ની ટીમે જામનગર નજીક ધોરીવાવ પાસેથી પુંજાભાઈ માણસુરભાઈ બગડા અને જયસુખભાઇ સામતભાઈ ખરા નામના બે શખ્સોને પકડી લઈ તેઓ પાસેથી ૧૮૫ નંગ ઈંગ્લીશ દારૂની બાટલી ના ચપટા કબજે કરી લીધા છે, જ્યારે તેઓને દારૂ સપ્લાય કરનાર રામભાઈ ઉર્ફે રામકો જીવાભાઈ મેર નામના નાઘેડી ગામના શખ્સને ફરાર જાહેર કર્યો છે.આ ઉપરાંત ઇંગ્લિશ દારૂ અંગેનો બીજો દરોડો જામનગરમાં બુરહાની પાર્ક માં પાડયો હતો. જ્યાંથી પોતાના બાઈક પર દારૂ સાથે નીકળેલા શાહનવાઝ દિલાવરભાઈ નામના શખ્સને પકડી પાડયો છે, અને તેની પાસેથી ૫૦ નંગ ઈંગ્લીશ દારૂની બાટલીનો જથ્થો અને ટુ-વ્હીલર કબજે કરી લીધા છે. જેને દારૂ સપ્લાય કરનાર મહિપાલસિંહ અમરસિંહ પરમાર ને ફરાર જાહેર કરાયો છે.દારૂ અંગેનો ત્રીજો દરોડો નાના થાવરિયા ગામે પાડવામાં આવ્યો હતો. જ્યાંથી આઠ નંગ ઈંગ્લીશ દારૂની બાટલી સાથે નીકળેલા પરેશ રામજીભાઈ ખરા નામના શખ્સને પકડી પાડયો છે.

આ પ્રકારના તમામ સમાચાર માટેે App ડાઉનલોડ કરો.