મણિનગરના અમુલ ગાર્ડનમાં હુક્કા પાર્ટી કરતી ટોળકીથી લોકો ત્રસ્ત: જુઓ વિડિયો

અમદાવાદ,તા.27 જુન 2022,સોમવાર મણિનગર વિસ્તારમાં આવકાર હોલ પાસે આવેલા અમુલ ગાર્ડનમાં છેલ્લા કેટલાક સમયથી ચાલી રહેલા હુકકા પાર્ટીના દુષણથી સ્થાનિકો પરેશાન હતા. હુકકા પીતા યુવકો સ્થાનિક લોકોને ગણકારતા પણ ન હોતા. ગાર્ડનમાં ચિલ્ડ્રન પ્લે એરિયામાં રમતા નાના બાળકોની વચ્ચે પણ હુકક પીતા પસાર થતા આ તત્વો સામે કાર્યવાહી થાય તે હેતુથી મહિલા પત્રકારે વિડિયો ઉતારી ઘટસ્ફોટ કર્યો હતો.  મણિનગરના અમુલ ગાર્ડનમાં ચાલતા આ દુષણ સામે સ્થાનિકોએ લડત ચલાવી યુવકોને અનેકવાર આ કૃત્ય ના કરવા સમજાવ્યા હતા. જોકે યુવાનો લોકોને ગણકારતા ન હતા. ગાર્ડનમાં સંતાનોને લઈને આવતી મહિલાઓ આ દુષણથી ત્રસ્ત હતી. 5 થી 6 શખ્સોની ટોળકી આ રીતે ગાર્ડનમાં સગીર બાળકોની આંખો સામે હુકકા ધુમાડા ઉડાડી ગેરકાયદે કૃત્ય આચરતા હતા. યુવકોની દાદાગીરી અને ટોળકી જોઈને કોઈ તેઓને પડકારી શકે તેમ ન હતું. દરમિયાનમાં ગઈકાલે રવિવારે મહિલા પત્રકાર અને સ્થાનિક યુવકે આ દુષણનો વિડિયો ઉતારી સોશિયલ મીડિયામાં વાયરલ કર્યો હતો. સ્થાનિકોને કહેવા મુજબ પોલીસની હાજરીમાં આરોપીઓ કોઈ દર વગર હુક્કા પાર્ટી કરતા હતા. ગઈકાલે વિડિયો ઉતર્યો ત્યારે સ્થળ પર કોઈક કારણોસર પોલીસની હાજરી ગાર્ડનમાં ન હતી.

આ પ્રકારના તમામ સમાચાર માટેે App ડાઉનલોડ કરો.