પીપલોદ કારગીલ ચોક પાસે રેસ્ટોરામાં સવારે શોટ સર્કિટથી આગ લાગતા ભાગદોડ મચી

સુરત,:પીપલોદ
કારગીલ ચોક પાસે આવેલી એક રેસ્ટોરન્ટમાં આજે વહેલી સવારે આગ ફાટી નીકળતા સ્થળ પર
નાસભાગ થઇ ગઇ હતી.

ફાયર
બિગ્રેડ પાસેથી મળેલી વિગત મુજબ પીપલોદના કારગીલ ચોક પાસે લેક્યુ ગાર્ડન નજીક
બ્રિગમી રેસ્ટોરન્ટમાં આજે વહેલી સવારે અચાનક આગ ભભુકી ઉઠી હતી. વધુ પ્રમાણમાં
ધુમાડો નીકળવા લાગતા સ્થાનિકોમાં ભાગદોડ મચી હતી. ત્યાંથી પસાર થતા લોકો પણ એકત્ર
થઇ ગયા હતા. ફાયર બિગ્રેડને કોલ મળતા લાશ્કરોએ પહોંચીને દોઢેક કલાકમાં આગ પર
સંપુર્ણ કાબૂ મેળવ્યો હતો. આગ શોર્ટ સર્કિટથી લાગી હોવાની શકયતા છે. આગના લીધે
કોફી મેકર, ઓવન, ફિઝ, ગ્રાઇન્ડર, કોમ્પ્યુટર, વાયરીંગ, માલ
સામાન સહિતની ચીજ વસ્તુઓ નુકસાન થયુ હતુ. કોઇને ઇજા થઇ નથી એમ ફાયર ઓફિસ પ્રકાશ
પટેલે જણાવ્યુ હતુ. 

આ પ્રકારના તમામ સમાચાર માટેે App ડાઉનલોડ કરો.