જામનગરમાં વાહન ચોર ટોળકી ફરીથી સક્રિય બની: બે બાઇકની ઉઠાંતરીની ફરિયાદ

જામનગર તા 25 જુન 2022,શનિવાર જામનગર શહેરમાં વાહન ચોર ટોળકી ફરીથી સક્રિય બની છે, અને શહેરના જુદા જુદા બે વિસ્તારોમાંથી બે મોટરસાયકલની ચોરી થઇ ગયાની ફરિયાદ પોલીસમાં નોંધાવાઇ છે.જામનગર શહેરમાં તાજેતરમાં બે મોટરસાઈકલ ચોરી થઇ ગયાનું પોલીસમાં જાહેર થયું છે. જેમાં જામનગરમાં મુલ્લામેડી વિસ્તારમાં રહેતા અને ફૂલનો વેપાર કરતા અસરફ નૂરમામદભાઇ કે જેમણે પોતાનું મોટરસાયકલ એરપોર્ટ રોડ પર એક હોટલ પાસે પાર કર્યું હતું, જ્યાંથી કોઇ તસ્કરો ચોરી કરી લઇ ગયાની ફરિયાદ સીટી-સી ડિવિઝન પોલીસ મથકમાં નોંધાવી છે.આ ઉપરાંત દરેડ જીઆઇડીસી વિસ્તારમાં રહેતા અને ડ્રાઇવિંગ કામ કરતાં સંજય કારાભાઇ ચૌહાણ નામના ભરવાડ યુવાને જામનગર બાયપાસ રોડ પર પેટ્રોલ પમ્પ પાસે પાર્ક કરેલું પોતાનું મોટરસાયકલ કોઇ તસ્કરો ચોરી કરી લઇ ગયા હોવાની ફરિયાદ સિટી સી. ડિવિઝન પોલીસ મથકમાં નોંધાવી છે. જે મામલે સીટી-સી ડિવિઝન પોલીસ વધુ તપાસ ચલાવે છે.

આ પ્રકારના તમામ સમાચાર માટેે App ડાઉનલોડ કરો.