જામનગરના જૂની અદાવતના કારણે એક યુવાન પર છરી વડે હુમલો

જામનગર તા 25 જુન 2022,શનિવાર જામનગરમાં વુલન મિલની ચાલી વિસ્તારમાં રહેતા એક યુવાન પર જૂની અદાવતના કારણે છરી વડે હુમલો કરાયો છે. જે મામલે એક શખ્સ સામે ફરિયાદ નોંધાવાઈ છે.આ ફરિયાદ અંગેના બનાવની વિગત એવી છે કે જામનગરમાં વુલનમિલ ની ચાલી મકાન નંબર 43 માં રહેતા અને ડ્રાઇવિંગ કામ કરતાં સદામ હબીબભાઈ મુદ્રાક નામના 25 વર્ષના યુવાન પર જૂની અદાવતનું મનદુખ રાખીને તે જ વિસ્તારમાં રહેતા ઇમરાન મિયાણા નામના શખ્સે ગળાના ભાગે છરી વડે હુમલો કરી દીધો હતો. જેથી સદામ લોહીલુહાણ થઇને ઢળી પડયો હતો.જેને સારવાર માટે જામનગરની જી.જી.હોસ્પિટલમાં દાખલ કરવામાં આવ્યો છે. પોલીસે સદ્દામની ફરિયાદના આધારે ઇમરાન મિયાણા સામે ગુનો નોંધાયો છે, જ્યારે તે ભાગી છૂટયો હોવાથી તેની શોધખોળ ચલાવવામાં આવી રહી છે.

આ પ્રકારના તમામ સમાચાર માટેે App ડાઉનલોડ કરો.