સુરત : હોસ્પિટલમાં દાખલ નીતિન દેશમુખ મહારાષ્ટ્રના શિવસેનાના MLA હોવા અંગે અસમંજસ, કોઈ સત્તાવાર જાહેરાત નહિ
- સવારે ચાર વાગ્યે ડુમસ પોલીસને મળેલી વર્દીમાં નીતિન દેશમુખ નામના વ્યક્તિને સિવિલ હોસ્પિટલ ખાતે લવાયો હતોસુરત,તા.21 જુન 2022,મંગળવારમહારાષ્ટ્રના રાજકીય ભુકંપ માટે એપી સેન્ટર બનનાર સુરતમાં આજે વહેલી સવારે નાટ્યાત્મક દ્રશ્યો સર્જાયા હતા અને ધારાસભ્યને જે હોટલમાં રાખવામા આવ્યા હતા તેમાંથી એક ધારાસભ્યનું પ્રેશર વધી જતાં સિવિલ હોસ્પિટલમાં દાખલ કરાયા છે. પોલીસ જાપ્તા હેઠળ ધારાસભ્યની સિવિલ હોસ્પીટલમાં સારવાર ચાલી રહી છે. ગઈકાલ રાતથી સંપર્ક વિહોણા થયેલા મહારાષ્ટ્રના ધારાસભ્યો મોડી રાત્રે સુરતના ડુમસ ખાતેની મેરિયટ હોટલમાં આવ્યા હતા. મોડી રાત્રે કોઈને ખબર પડી ન હતી પરંતુ વહેલી સવારે ચાર વાગ્યાના અરસામાં મહારાષ્ટ્રથી આવેલા રાજકારણીઓ માંથી નીતિન દેશમુખનું પ્રેસર અચાનક વધી ગયું હતું. જોકે, તેની સાથે તેણે હોટલમાં અણછાજતું વર્તન કર્યું હતું અને વહેલી સવારે હોટલ બહાર હોબાળો પણ કર્યો હતો. જેના કારણે ડુમસ પોલીસને માહિતી મળતાં ડુમસ પોલીસ નીતિન દેશમુખને સિવિલ હોસ્પિટલ સારવાર માટે લઈ આવી હતી. ત્યાં પોલીસ જાપ્તા હેઠળ તેની સારવાર થઈ રહી છે.પોલીસે કે સિવિલ હોસ્પીટલે સત્તાવાર રીતે સારવાર લઈ રહેતા વ્યક્તિ મહારાષ્ટ્રના ધારાસભ્ય નીતિન દેશમુખ છે તેમ કહ્યું નથી. પરંતુ સંપર્ક વિહોણા થયેલા ધારાસભ્યની યાદીમાં નીતિન દેશમુખનું નામ છે અને સિવિલ હોસ્પિટલ સારવાર લઈ રહેલા વ્યક્તિનું નામ પણ નિતીન દેશમુખ છે તેથી સારવાર લઈ રહેલા વ્યક્તિ મહારાષ્ટ્રના ધારાસભ્ય હોવાનું કહેવાય રહ્યું છે.
આ પ્રકારના તમામ સમાચાર માટેે
App ડાઉનલોડ કરો.