વેપારીના ઘરમાંથી 3 લાખના સોનાના દાગીનાની તસ્કરી
કાલાવડ રોડ પર હાઉસિંગ સોસાયટીની ઘટના
ડ્રાઇવરે ચોરી કરી ઘરેણાં વેચી નાખ્યા’તા
શહેરમાં કાલાવડ રોડ પર હાઉસિંગ બોર્ડ સોસાયટીમાં બસંત બહાર એપાર્ટમેન્ટમાં રહેતા અને ઓઇલ ડેપોની એજન્સી ચલાવતા વેપારીના મકાનમાં કબાટમાંથી રૂ.ત્રણ લાખની કિંમતના સોનાના દાગીનાની ચોરી થતા તેને તપાસ કરતા તેના ડ્રાઇવરે ચોરી કરી વેચી નાખ્યા હોવાનું અને તેમને પૈસા આપી દઇશ કહી નાસી ગયાની ફરિયાદ કરતાં પોલીસે ગુનો નોંધી આરોપીની ધરપકડ કરી કાર્યવાહી હાથ ધરી છે.કાલાવડ રોડ હાઉસિંગ બોર્ડ પાસે રહેતા અને હરિહર ચોકમાં ઓઇલ કંપનીની એજન્સી રાખી ધંધો કરતા હિરલભાઇ યોગેશભાઇ શાહએ ફરિયાદ કરી હતી. જેમાં આરોપી તરીકે તેના ડ્રાઇવર વિનોદ નાથાલાલ મકવાણાનું નામ આપ્યું હતું.
આ પ્રકારના તમામ સમાચાર માટેે
App ડાઉનલોડ કરો.