ત્રણ જુગારધામ પર દરોડા 10 મહિલા સહિત 26 શખ્સ ઝડપાયા
નાનામવા રોડ પર રાધાનગરમાં મહિલા તેના મકાનમાં જુગારધામ ચલાવતી હોવાની માહિતીને આધારે માલવિયાનગર પોલીસ મથકના પીએસઆઇ ગજેરા સહિતે દરોડો પાડી મકાનમાલિક દીક્ષિતાબેન મેરામભાઇ વાળા, દમયંતીબેન સુરેશભાઇ રાઠોડ, કુસુમબેન શૈલેષભાઇ બગથરિયા, અરૂણાબેન નરેશભાઇ શાહ, શારદાબેન મુળજીભાઇ સરવૈયા, લતાબેન દિનેશભાઇ શાહ, જયશ્રીબેન ધીરજલાલ ધમસાણિયા, દિવ્યાબેન નટુભાઇ કુનડિયા, કંચનબેન મનસુખભાઇ કાકડિયાને ઝડપી લઇ તેની પાસેથી રૂ.10380ની રોકડ સહિતની મતા કબજે કરી વધુ કાર્યવાહી કરી હતી. જ્યારે બીજા દરોડામાં કોઠારિયામાં શિવ ઇન્ડસ્ટ્રીઝમાં એરિયામાં રામકૃષ્ણ એન્ટરપ્રાઇઝ નામના કારખાનામાં ચાલતા જુગારધામ પર દરોડો પાડી જુગાર રમતો ભાવિન મગનભાઇ ગોળ, નિશાંત મનાેજભાઇ ઝાલાવાડિયા, રમેશ બાબુભાઇ ઇસોટિયા, સાગર જયંતીભાઇ સવાણી,દિનેશ કાનજીભાઇ ગાધવાણી, વૈભવ રમેશભાઇ અકબરી, યોગેશ બાબુભાઇ ઇસડિયા,મુકેશ સવજીભાઇ ઠુંમર, શૈલેશ માવજીભાઇ કાટડિયાને આજી ડેમ પોલીસ મથકના પીએસઆઇ રાઠોડ સહિતના સ્ટાફે ઝડપી લઇ તેની પાસેથી રૂ.25540ની રોકડ સહિતની મતા કબજે કરી હતી. જ્યારે અન્ય એક દરોડામાં 150 ફૂટ રિંગ રોડ પર રૈયા ચોકડી ઓવરબ્રિજ પાસે જુગાર રમતો લાખા ઉર્ફે લખુ રાજાભાઇ બોડિયા, સરવન છગનભાઇ પાવર, ભરત રત્નાભાઇ ધોળકિયા, સુરેશ પરમાનંદભાઇ થાવરાણી, ધીરૂ નાથાભાઇ વસા, અરૂણ પ્રવીણભાઇ ત્રિવેદી, સોમા રામજીભાઇ સિખરિયાને ગાંધીગ્રામ પોલીસ મથકના જમાદાર મસરીભાઇ સહિતે ઝડપી લઇ તેની પાસેથી રૂ.10320ની રોકડ સહીતની મતા કબજે કરી વધુ કાર્યવાહી કરી હતી.
આ પ્રકારના તમામ સમાચાર માટેે
App ડાઉનલોડ કરો.