જસદણમાં મોટર બંધ કરવા જતાં યુવકનું વીજશોકથી મોત.

પરિવાર તાબડતોબ હોસ્પિટલ દોડ્યા, મૃતદેહ જ પહોંચ્યો

(નરેશ ચૉહલીયા દ્વારા જસદણ)
જસદણમાં પોતાના ઘરે પાણીની મોટર શરૂ કરવા જતાં અચાનક જ વીજ કરંટ લાગતા કિશોર જોરદાર ફંગોળાયો હતો. અને ગંભીર રીતે દાઝી જતાં ઘટનાસ્થળે જ તેનું મોત નીપજ્યું હતું. પરિવારને જાણ થતાં જ તાબડતોબ તેને હોસ્પિટલ લઇ જવાયો હતો. પરંતુ ત્યાં તેનો મૃતદેહ જ પહોંચ્યો હોવાનું હાજર તબીબે જણાવ્યું હતું. ઘટનાના પગલે પરિવારમાં શોકની લાગણી પ્રસરી ગઇ હતી. વધુ તપાસ જસદણ પોલીસ ચલાવી રહી છે. જસદણના લક્ષ્મણનગર-2 સોસાયટીમાં રહેતા જયવીર ગીડા નામનો 15 વર્ષનો યુવક ચાલુ વરસાદે પાણીની મોટર શરૂ કરવા જઇ રહ્યો હતો. ત્યારે વરસાદી માહોલના લીધે તેને જોરદાર વીજ શોક લાગ્યો હતો. અને તે દુર ફંગોળાઇ ગયો હતો. હજુ તો ઘરના કશું સમજે તે પહેલાં જ ગંભીર રીતે દાઝી જવાથી જયદીપનું ઘટનાસ્થળે જ મોત નીપજ્યું હતું. પરિવાર તેને લઇને તાબડતોબ હોસ્પિટલ પહોંચ્યો હતો. પરંતુ ફરજ પરના તબીબે તેને મૃત જાહેર કર્યો હતો. બાદમાં મૃતદેહને પીએમ માટે જસદણની સિવિલ હોસ્પિટલ ખસેડવામાં આવ્યો હતો અને વધુ તપાસ સ્થાનિક પોલીસ ચલાવી રહી છે.

આ પ્રકારના તમામ સમાચાર માટેે App ડાઉનલોડ કરો.