આજે અડધો દિવસ મુખ્ય બજારો બંધ રહેશે, ગુંદાવાડીમાં શોકસભા
ટીઆરપી ગેમ ઝોનમાં બનેલ અગ્નિકાંડમાં મૃતકોને આજે રાજકોટના વેપારીઓ શ્રદ્ધાંજલિ પાઠવશે જે અંતર્ગત આજ રોજ મુખ્ય બજાર સવારથી બપોેરે 1:00 વાગ્યા સુધી બંધ રાખવામાં આવશે. લાખાજીરાજ રોડ અને ગુંદાવાડી ખાતે શોકસભાનું પણ આયોજન કરવામાં આવ્યું છે. રાજકોટ હોલસેલ ટેક્સટાઇલ મર્ચન્ટ એસોસિએશન, રાજકોટ રિટેલ રેડીમેડ એસોસિએશન, ધર્મેન્દ્ર રોડ વેપારી એસોસિએશન, લાખાજીરાજ રોડ વેપારી એસોસિએશન, ગુંદાવાડી ઓલ મર્ચન્ટ એસોસિએશન, તેમજ દાણાપીઠ વેપારી એસોસિએશનના તમામ વેપારીઓ સોમવારે તમામ બજારો બપોરના એક વાગ્યા સુધી બંધ રાખી મૃતાત્માઓને શ્રદ્ધાંજલિ આપી શોક વ્યક્ત કરશે. તેમ ધી રાજકોટ હોલસેલ ટેક્સટાઇલ મર્ચન્ટ એસો.ના પ્રમુખ હિતેશભાઈ અનડકટે જણાવ્યું છે. શોકસભામાં તમામ મુખ્ય બજારના વેપારીઓ જોડાશે. શોકસભા દરમિયાન મૃતકોને શ્રદ્ધાંજલી અપાશે.
આ પ્રકારના તમામ સમાચાર માટેે
App ડાઉનલોડ કરો.