ભગવતીપરામાં જુના પુલ પાસે બાઇક અને સાયકલ વચ્ચે અકસ્માત: વૃધ્ધનું મોત
ભગવતીપરામાં જુના પુલ પાસે બાઈક અને સાયકલ વચ્ચે અકસ્માત સર્જાતા વૃદ્ધનું મોત નિપજ્યું હતું. સાયકલ સવાર વોર્ડ ઓફિસમાં કોન્ટ્રાક્ટ બેઝ પર કામ કરતા હોય જે નોકરીએ જતા હતા ત્યારે રસ્તામાં કાળ ભેટ્યો હતો. બનાવ અંગેની પ્રાપ્ત વિગત મુજબ, જુના મોરબી રોડ પર આવેલા ખોડીયાર પરા પાસે રહેતા અને વોર્ડ ઓફિસમાં કોન્ટ્રાક્ટ બેઝ પર કામ કરતા છોટુભાઈ બચુભાઈ પરમાર નામના 75 વર્ષના વૃદ્ધ પોતાની સાયકલ પર વોર્ડ ઓફિસ એ કામે જઈ રહ્યા હતા
ત્યારે આજ રોજ સવારે સામેથી બાઈક પર આવેલા જયસુખભાઈ જેઠાભાઈ કથીરિયા (ઉ.વ.32) સાથે અથડાતા અકસ્માત સર્જાયો હતો. અકસ્માત સર્જાતા બંનેને સારવાર માટે સિવિલ હોસ્પિટલ ખાતે ખસેડવામાં આવ્યા હતા પરંતુ ગંભીર રીતે ગવાયેલા સાયકલ સવાર છોટુભાઈ પરમારને સારવાર કારગત ન નિવડતા તેમનું મોત થયું હતું. પોલીસની પ્રાથમિક તપાસમાં જાણવા મળ્યા મુજબ મૃતક આઠ ભાઇમાં વચેટ હોવાનું જાણવા મળ્યું છે. વૃદ્ધના આકસ્મિક મોતથી પરિવારમાં આક્રંદ છવાયો છે. પોલીસે ઘટનાની નોંધ કરી મૃતદેહને પોસ્ટમોર્ટમ અર્થે ખસેડી આગળની કાર્યવાહી હાથધરી છે.
9879405838
આ પ્રકારના તમામ સમાચાર માટેે
App ડાઉનલોડ કરો.