લુણાવાડા ખાતે બેંક ઓફ બરોડા દ્વારા ત્રિદિવસીય વિભાજન વિભીષિકા સ્મૃતિ દિવસની ઉજવણી

મહીસાગર જિલ્લાના લુણાવાડા ખાતે બેંક ઓફ બરોડા દ્વારા આજથી ત્રિદિવસીય વિભાજન વિભીષિકા સ્મૃતિ દિવસની ઉજવણી કરવામાં આવેલ હતી.“દેશના વિભાજન સમયે હિંસા અને તિરસ્કારની છાયામાં વિસ્થાપિત થયેલા આપણા અસંખ્ય બહેનો અને ભાઈઓના ત્યાગ, સંઘર્ષ અને બલિદાનની યાદમાં વડાપ્રધાનશ્રી નરેન્દ્રભાઈ મોદી દ્વારા તા. ૧૪ ઓગસ્ટને વિભાજન વિભીષિકા દિવસ તરીકે જાહેર કરાતા દર વર્ષે સ્વાતંત્ર્ય પર્વના આગલા દિવસે આ દિવસ મનાવાય છે. જે અંતર્ગત મહિસાગરમાં પણ બેંક ઓફ બરોડા દ્વારા આ દિવસની ઉજવણી કરાઇ.જે અંગે મહીસાગર લીડ ડ્રિસ્ટ્રીક્ટ મેનેજરશ્રી પરેશ બારોટે જણાવ્યું કે, બેંક ઓફ બરોડાના ક્ષેત્રિય કાર્યાલય દ્વારા ‘‘પાર્ટીશન હોરરર્સ રેમેમ્બ્રન્સ ડે’’ ની ઉજવણી બેંક ઓફ બરોડા વરધરી રોડ બ્રાન્ચ લુણાવાડા ખાતે તા. ૧૩ થી ૧૫ ઓગસ્ટ સુધી સવારે ૧૦ થી સાંજે ૬ વાગ્યા સુધી કરવામાં આવશે. જેમાં દેશના ભાગલા સમયે અસંખ્ય પરિવારના ત્યાગ, સંઘર્ષ અને બલિદાનની સ્મૃતિ તાજી કરતા પોસ્ટરોની પ્રદર્શની યોજવામાં આવશે.

આ પ્રકારના તમામ સમાચાર માટેે App ડાઉનલોડ કરો.