અંબીકાનગર સોસાયટીમાં અને બેડી ચોકડી પાસે વરલીનો જુગાર રમતાં બે શખ્સો પકડાયા

અંબીકાનગર સોસાયટીમાં અને બેડી ચોકડી પાસે વરલી ફીચરનો જુગાર રમતા બે શખ્સોને દબોચી પોલીસે રૂા.14 હજારની રોકડ કબ્જે કરી હતી. રોડાની વિગત અનુસાર થોરાળા પોલીસ મથકનાં પીએસઆઈ જી.એસ. ગઢવી ટીમ સાથે પેટ્રોલીંગમાં હતા ત્યારે સાથેનાં હેડ કોન્સટેબલ વિમલ ધાણજી મળેલ ચોકકસ બાતમીનાં આધારે અંબીકાનગર સોસાયટી શેરી નં.1 જાહેરમાં વરલી ફીચરનો જુગાર રમતા કિશોર ગોવિંદ જમોડ ઉ.વ.46, રહે.અંબીકાનગર સોસાયટી શેરી ન.1, ચુનારાવાડ ચોક પાસેને દબોચી રૂા.12300 ની રોકડ કબ્જે કરી કાયદેસરની કાર્યવાહી કરી હતી. બીજા દરોડામાં બેડી ચોકડી પાસે જાહેરમાં વરલી ફીચરનો જુગાર રમતાં બાલા મોહન મકવાણા ઉ.વ.25 રહે. બેડી ચોકડી ખાતે મોરબી રોડને બી ડીવી.પોલીસના સ્ટાફે દબોચી રૂા.1740 ની રોકડ કબ્જે કરી કાયદેસરની કાર્યવાહી કરી હતી.

આ પ્રકારના તમામ સમાચાર માટેે App ડાઉનલોડ કરો.