શીવ હોટલ પાસે કારમાંથી દારૂના જથ્થા સાથે ઝબ્બે

ગોંડલ રોડ પર શીવ હોટલ પાસેથી પસાર થતી કારમાંથી વિદેશી દારૂના જથ્થા સાથે નિર્મળ ઉર્ફે લાલાને આજીડેમ પોલીસે ઝડપી લઈ કુલ રૂ।.5.38 લાખનો મુદ્દામાલ કબ્જે કર્યો હતો.દરોડાની વિગત અનુસાર આજીડેમ પોલીસ મથકના પી.આઈ.એલ.એલ.ચાવડાની રાહબરીમાં પી.એસ.આઈ.જે.ગઢવી ટીમ સાથે પેટ્રોલીંગમાં હતી.
ત્યારે ગોંડલ રોડ પર દારૂ ભરેલી એક કાર રાજકોટ તરફ આવતી હોવાની મળેલ ચોકકસ બાતમીના આધારે ટીમ ગોંડલ રોડ પરની શીવ હોટલ પાસે વોચમાં હતી. ત્યારે ત્યાંથી પસાર થયેલ કારનં.જીજે 01-કે.ડી.0340ને અટકાવી ચાલકનું નામ પુછતા નિર્મળ ઉર્ફે લાલો હંસરાજ માણેક (ઉ.વ.35) (રહે.લલુડી હોકડી,અક્ષર શેરીનં.1)હોવાનું જણાવ્યું હતું.
પોલીસની ટીમે કારમાં તપાસ કરતાં વિદેશી દારૂની 12 બોટલ અને ચપલા 336 નંગ મળી આવ્યા હતાં. પોલીસે દારૂ અને કાર સાથે નિર્મળની ધરપકડ કરી કુલ રૂ।.38 લાખનો મુદ્દામાલ કબ્જે કર્યો હતો. તેમજ નિર્મળ દારૂ કયાંથી લાવ્યો અને કયાં સપ્લાય કરવાનો હતો તે અંગે પુછપરછ હાથ ધરી હતી.
9879405838

આ પ્રકારના તમામ સમાચાર માટેે App ડાઉનલોડ કરો.