રૈયાધારમાં યુવતીનો હાથ પકડી પડોશી નીલેષ દેવગણીયાએ છેડતી કરી ધમકી આપી

રૈયાધારે રહેતી યુવતી તેના ઘરના ઉપરના માળે આવેલા રૂમમાં પથારી કરી રહી હતી ત્યારે તેની શેરીમાં જ ચોથા મકાનમાં રહેતા નીલેષ કિશન દેવગણીયાએ અગાસી પરથી તેના રૂમ સુધી પહોંચી યુવતીનો હાથ પકડી છેડતી કરતા યુવતીએ દેકારો કરી મુકતા આરોપી ભાગવા ગયો હતો.ત્યારે સિડી પરથી પડી જતા તેમને સિવિલ હોસ્પિટલમાં ખસેડાયો હતો.આ અંગે યુવતીએ પોલીસમાં ફરિયાદ નોંધાવતા છેડતી અંગેનો ગુનો નોંધી આરોપીને સકંજામાં લઈ પૂછપરછ આદરી છે.
બનાવ અંગે રૈયાધારમાં રહેતી 19 વર્ષની યુવતીએ ફરિયાદમાં જણાવ્યું હતું કે, ગઇકાલ રાત્રીના સાડા નવેક વાગ્યાની આસપાસ અમો બધા પરીવારજનો ઘરે હતા ત્યારે તેણી તેના નાના ભાઈ સાથે જમીને બન્ને ઘરના પહેલા માળે સુવા માટે ગયેલ અને તેણી રૂમમા પથારી કરતી હતી ત્યારે શેરીમા રહેતા નીલેષ દેવગણીયા યુવતીના મકાનની અગાસીએથી પહેલા માળના રૂમ પાસે આવી અને યુવતીનો હાથ પકડી છેડતી કરવા લાગ્યો હતા.
જેથી યુવતી ડરી જતા રાડારાડી કરવા લાગતાં આરોપીએ કહેલ કે, રાડારાડી કરીશ તો જાનથી મારી નાખીશ, છતા તેણીએ રાડારાડી કરતા નીલેશ અગાશીની સીડીએથી ભાગવા માટે ઉપર ચડવા જતા સીડીએથી પડી ગયો હતો.
દરમિયાન યુવતીના મમ્મી-પપ્પા તથા પાડોશીઓ ભેગા થઈ જતા તેણીએ મમ્મી-પપ્પાને બનાવની વાત કરતાં તેણીના પિતા અને આરોપી વચ્ચે જપાજપી થઇ હતી. બાદમાં તેણીના પિતાના મિત્ર લાલાભાઇએ 100 નંબર પર ફોન કરી પોલીસની ગાડી બોલાવી હતી. બાદમા નિલેશને સારવાર માટે સિવિલમાં લઇ ગયા બાદ યુવતી પરિવાર સાથે યુનિવર્સિટી પોલીસ મથકે પહોંચી ફરિયાદ નોંધાવી હતી. બનાવ અંગેની ફરિયાદ પરથી યુનિવર્સિટી પોલીસે આરોપી વિરૂદ્ધ છેડતી સહિતની કલમ હેઠળ ગુનો નોંધી સકંજામાં લઈ પૂછપરછ હાથ ધરી હતી.

આ પ્રકારના તમામ સમાચાર માટેે App ડાઉનલોડ કરો.