બેબી કેર સેન્ટરમાં આગથી 6 નવજાત શિશુના મોત:દિલ્હીમાં અકસ્માત; 6 બાળકોને બચાવી અન્ય હોસ્પિટલમાં મોકલવામાં આવ્યા, એક વેન્ટિલેટર પર

દિલ્હીમાં બેબી કેર સેન્ટરમાં આગ લાગી હતી. આ અકસ્માતમાં છ નવજાત બાળકોના મોત થયા હતા, જ્યારે છને બચાવીને અન્ય હોસ્પિટલમાં ખસેડવામાં આવ્યા હતા. આ નવજાત શિશુ પૈકી એકની હાલત નાજુક છે. તેમને વેન્ટિલેટર પર રાખવામાં આવ્યા છે. પૂર્વ દિલ્હીના વિવેક વિહાર સ્થિત ન્યૂ બોર્ન બેબી કેર હોસ્પિટલમાં શનિવારે રાત્રે 11.30 વાગ્યે આ અકસ્માત થયો હતો. બેબી સેન્ટરમાં આગની 5 તસવીરો... ઘટનાની જાણ થતાં જ ફાયર બ્રિગેડની 16 ગાડીઓ ઘટનાસ્થળે પહોંચી હતી અને આગ પર કાબૂ મેળવ્યો હતો. દિલ્હી ફાયર સર્વિસ ચીફ અતુલ ગર્ગે જણાવ્યું કે, બેબી કેર સેન્ટરમાં આગના સમાચાર મળતા જ ફાયર બ્રિગેડને રવાના કરવામાં આવી હતી. ફાયર ફાઈટર રાજેન્દ્રના જણાવ્યા અનુસાર જે ઈમારતમાં હોસ્પિટલ ચાલી રહી હતી અને નજીકની રહેણાંક ઈમારત આગની લપેટમાં આવી ગઈ હતી. ફાયર બ્રિગેડે આગને કાબુમાં લીધી છે. કેન્દ્રની બહાર પાર્ક કરાયેલા વાહનો પણ સળગાવી દેવામાં આવ્યા છે.

આ પ્રકારના તમામ સમાચાર માટેે App ડાઉનલોડ કરો.