પોલાજપુરમાં ઝઘડાની અદાવતમાં હુમલો, ૪ સામે ફરિયાદ

હિંમતનગર તાલુકા પોલાજપુર ગામે અગાઉ થયેલા ઝઘડાની અદાવત રાખીને મંગળવારે ચાર જણાએ એકસંપ થઈને એક ઈસમને અપશબ્દો બોલી જાનથી મારી નાખવાની ધમકી અપાયાના આક્ષેપ સાથેની ફરિયાદ હિંમતનગર ગ્રામ્ય પોલીસ સ્ટેશનમાં નોંધાવા પામી હતી. આ અંગે પોલાજપુર ગામના અર્જુનસિંહ બાલુસિંહ પરમારે નોંધાવેલી ફરિયાદ મુજબ, તા.૧૬ જુલાઈના રોજ સવારના સુમારે ગામના જ સુરજસિંહ ભીખુસિંહ પરમાર, ઉત્તમસિંહ સુરજસિંહ પરમાર, રાહુલસિંહ સુરજસિંહ પરમાર અને લીલાબા સુરજસિંહ પરમારે અગાઉ થયેલા ઝઘડાની અદાવત રાખીને અર્જુનસિંહ પરમારને ગડદાપાટુનો માર મારી ચારેય જણાએ અપશબ્દો બોલ્યા હતા. ત્યારબાદ રાહુલસિંહ પરમારે અર્જુનસિંહ પરમાર પર લોખંડની પાઈપથી હુમલો કરી ઈજા પહોંચાડી ચારેય જણાએ જાનથી મારી નાખવાની ધમકી આપી હોવાના આક્ષેપ સાથે અર્જુનસિંહએ તરત જ હિંમતનગર ગ્રામ્ય પોલીસ સ્ટેશનમાં ફરિયાદ નોંધાવી હતી

આ પ્રકારના તમામ સમાચાર માટેે App ડાઉનલોડ કરો.