ઢોલરીયાનગરમાં મકાનની બહાર પાર્ક કરેલ કાર અને ત્રણ બાઇક અજાણ્યાં શખ્સે સળગાવી નાંખ્યા
ઢોલરીયાનગરમાં રહેતો ખત્રી પરિવાર સૂતો હતો ત્યારે મોડીરાતે મકાનની બહાર પાર્ક કરેલ કાર અને ત્રણ બાઇક અજાણ્યાં શખ્સે સળગાવી નાંખી રૂ.7.75 લાખની નુકશાની કર્યાની ફરિયાદ ભક્તિનગર પોલીસ મથકે નોંધાઈ હતી.
બનાવ અંગે ઢોલરીયાનગર શેરી નં-05,ગાયત્રીનગર મેઇન રોડ કુંદન હોસ્પીટલ પાસે રહેતાં તૌફીકભાઇ અબ્દુલહુસેનભાઇ વાળા (ઉ.વ.47) એ નોંધાવેલ ફરિયાદમાં આરોપી તરીકે અજાણ્યાં શખ્સનું નામ આપી જણાવ્યું હતું કે, તેઓ ટોયોટો કંપની ભાવનગરમાં સી.ઇ.ઓ તરીકે નોકરી કરે છે.
ગઈ રાતે તેઓ અને તેના કાકા પરીવાર સાથે સુતેલા હતા ત્યારે રાત્રીના સાડા ત્રણેક વાગ્યે પાડોશી ભરતભાઇ ભાલીયાનો ફોન આવેલ કે, તમારા ઘરની બહાર રાખેલ તમારા વાહનો સળગે છે કહેતાં તેઓએ તેના કાકા રૂસ્તમભાઇને ઉઠાડી દરવાજાનો આગડીયો ખોલવાનો પ્રયત્ન કરતા ખુલેલ નહીં જેથી બન્ને પરીવાર અગાસીએથી પાડોશીના મકાનમાં ઉતરી અને શેરીમા આવેલ.
ત્યા પડોશીએ ફાયરબ્રીગેડને જાણ કરતા ફાયરબ્રીગેડની ગાડી આવી ગયેલ અને પોલીસ કંટ્રોલ રૂમમાં ફોન કરતા પોલીસની ગાડી પણ આવી ગયેલ હતી. અને ફાયર બ્રિગેડની ટીમે આગ પર કાબુ મેળવ્યો હતો. આગમાં તેઓના શેઠની કાર તેમજ ત્રણ બાઇકમાં આગ લાગવાથી અંદાજીત રૂ.7.75 લાખનું નુકશાન થયેલ હતું.બનાવ અંગેની ફરિયાદ પરથી ભક્તિનગર પોલીસે અજાણ્યાં શખ્સ સામે ગુનો નોંધી શોધખોળ હાથ ધરી હતી.
9879405838
આ પ્રકારના તમામ સમાચાર માટેે
App ડાઉનલોડ કરો.