સાયલા માં સ્વતંત્ર પર્વ ની ઉત્સાહભેર ઉજવણી કરાઈ

78માં સ્વતંત્રતાદિનના રાષ્ટ્રીય પર્વ નિમિત્તે સાયલા ગ્રામ પંચાયત અને તમામ સરકારી પ્રાથમિક શાળા આયોજીત ધ્વજવંદન કાર્યક્રમ શ્રી નાનચંદ્રજી મહારાજ પ્રાથમિક શાળામાં યોજાયો હતો.
સમારંભના અધ્યક્ષ સાયલા સરપંચ અજયરાજસિંહ ઝાલાના હસ્તે ધ્વજવંદન કરવામાં આવ્યું હતું.કાર્યક્રમની શરુઆતમાં શાળાના આચાર્ય ભરતસિંહ રાઠોડ દ્વારા ઉપસ્થિત લોકોનું શાબ્દિક સ્વાગત કરીને આવકાર્યા હતા.નીતિનભાઈ પંચાલ દ્વારા કાર્યક્રમની ઝાંખી અને શહીદ વીરોને યાદ કરીને સ્વતંત્રતા વિશે માહિતી આપી હતી.સાયલા તાલુકો આકાંક્ષી તાલુકો જાહેર થયેલ હોય તેને બહાર લાવવા અને શ્રેષ્ઠ કામગીરી કરવા સૌએ સપથ લીધા હતા.કાર્યક્રમની પૂર્ણાહુતિમાં હિરેનભાઈ મોરી દ્વારા આભારવિધિ કરી હતી.
આ કાર્યક્રમમાં સાયલા ગામના સરપંચ અજયરાજસિંહ ઝાલા,ઉપસરપંચ મહીપતસિંહ ચાવડા,ગ્રામપંચાયત સભ્યો,નગરજનો,પ્રાથમિક શાળાના બાળકો,તમામ શાળાના આચાર્યશ્રીઓ,શિક્ષકો,હોમગાર્ડ જવાનો અને આશીર્વાદ વિકલાંગ સ્કૂલના બાળકો ઉપસ્થિત રહ્યા હતા.

રિપોર્ટર : રણજીતભાઈ ખાચર
સાયલા, જી, સુરેન્દ્રનગર

આ પ્રકારના તમામ સમાચાર માટેે App ડાઉનલોડ કરો.