શિવસેના-ઉદ્ધવ જૂથની ત્રીજી યાદીમાં 5 નામ:અત્યાર સુધીમાં 85 ઉમેદવારો મેદાનમાં ઉતાર્યા, MVAમાં 288 ઉમેદવારોમાંથી 223 જાહેર થયા

​​​શિવસેના ઉદ્ધવ જૂથે શનિવારે મોડી રાત્રે વધુ પાંચ ઉમેદવારોના નામની જાહેરાત કરી હતી. પાર્ટીએ વર્સોવાથી હારૂન ખાન, ઘાટકોપર (વેસ્ટ)થી સંજય ભાલેરાવ અને વિલે પાર્લેથી સંદીપ નાઈકને મેદાનમાં ઉતાર્યા છે. જેમાંથી કોંગ્રેસ અને NCP (SP)એ વર્સોવા અને ઘાટકોપર પશ્ચિમ બેઠકો પર પોતાનો દાવો રજૂ કર્યો હતો. જ્યારે શિવસેના (UBT) નેતા અભિષેક ઘોસાલકરના પિતા વિનોદ ઘોસાલકરને દહિસર બેઠક પરથી ટિકિટ આપવામાં આવી છે. 8 ફેબ્રુઆરી, 2024ની રાત્રે પૂર્વ કાઉન્સિલર અભિષેક ઘોસાલકરની ગોળી મારીને હત્યા કરવામાં આવી હતી. ઘટના સમયે તે ફેસબુક પર લાઈવ હતો. હુમલાના આરોપી મોરિસ નોરોન્હાએ પણ ચાર ગોળી મારીને આત્મહત્યા કરી લીધી હતી. ઉદ્ધવ ઈચ્છતા હતા કે અભિષેકની પત્ની તેજસ્વીની દહિસર બેઠક પરથી ચૂંટણી લડે. અભિષેકના પિતા અને પૂર્વ ધારાસભ્ય વિનોદ ઘોસાલકર પણ આ જ બેઠક પરથી ટિકિટ માંગી રહ્યા હતા. આ કારણોસર આ બેઠક હોલ્ડ પર રાખવામાં આવી હતી. આ ઉપરાંત યાદીમાં પાંચમું નામ ભૈરુલાલ ચૌધરી જૈનનું છે. તેમને મલબાર હિલ વિધાનસભાથી મેદાનમાં ઉતારવામાં આવ્યા છે. મહાયુતિમાં અત્યાર સુધીમાં 288માંથી 223 ઉમેદવારોના નામ જાહેર કરવામાં આવ્યા છે. બાકીના ઉમેદવારોને લઈને ત્રણેય પક્ષો વચ્ચે ખેંચતાણ ચાલી રહી છે. બીજી યાદીમાં 15 નામોની જાહેરાત કરવામાં આવી હતી
શિવસેના (UBT) એ શનિવારે સવારે 15 ઉમેદવારોની યાદી જાહેર કરી હતી. જેમાં અનિલ ચૌધરીને શિવડી વિધાનસભાથી ઉમેદવાર બનાવવામાં આવ્યા હતા. લાલબાગ રાજા મંડળના માનદ સચિવ સુધીર સાલવી પણ અહીંથી ટિકિટ માગી રહ્યા હતા, પરંતુ અનિલ ચૌધરીનું નામ ફાઇનલ થયું હતું. શિવસેના (UBT) એ અત્યાર સુધીમાં કુલ 85 ઉમેદવારોની જાહેરાત કરી છે. MVAની સીટ વહેંચણી હેઠળ ઉદ્ધવ જૂથ, NCP શરદ જૂથ અને કોંગ્રેસ 85-85 બેઠકો પર ચૂંટણી લડશે. જો કે, સંજય રાઉતે 24 ઓક્ટોબરે કહ્યું હતું કે તેમની પાર્ટી 100 સીટો પર ચૂંટણી લડશે. શિવસેના (UBT)ની પ્રથમ યાદીમાં 65 નામ હતા
MVAમાં શિવસેના (UBT)એ 23 ઑક્ટોબરની સાંજે સૌથી પહેલા યાદી જાહેર કરી હતી. તેમાં 65 નામ હતા. ઉદ્ધવના પુત્ર આદિત્ય ઠાકરેને વર્લીથી ઉમેદવાર બનાવવામાં આવ્યા છે. કેદાર દિઘેને મુખ્યમંત્રી એકનાથ શિંદેની સામે કોપરી પાચપાખાડીથી ટિકિટ આપવામાં આવી હતી. 20મી નવેમ્બરે એક તબક્કાની ચૂંટણી, 23મી નવેમ્બરે પરિણામ
મહારાષ્ટ્ર વિધાનસભાનો કાર્યકાળ 26 નવેમ્બર 2024 ના રોજ પુર્ણ થાય છે. મહારાષ્ટ્રમાં મહાયુતિ એટલે કે શિવસેના, ભાજપ અને એનસીપી અજિત પવાર જૂથની સરકાર છે. સત્તાવિરોધી અને છ મોટા પક્ષો વચ્ચે મતોનું વિભાજન સાધવું પાર્ટી માટે મોટો પડકાર હશે. મહારાષ્ટ્ર 2019 વિધાનસભા ચૂંટણી સમીકરણ

આ પ્રકારના તમામ સમાચાર માટેે App ડાઉનલોડ કરો.