તાજિકિસ્તાનમાં હિજાબ-ઈદી પર પ્રતિબંધ:કાયદાનું ઉલ્લંઘન કરવા બદલ 5 લાખનો દંડ, રાષ્ટ્રપતિએ કહ્યું- આ અભદ્રતાનો પુરાવો છે; દેશમાં 96% વસતી મુસ્લિમ
મુસ્લિમ બહુમતી ધરાવતા દેશ તાજિકિસ્તાનને હિજાબના ઉપયોગ પર પ્રતિબંધ મૂક્યો છે. આ ઉપરાંત ઈદના તહેવાર પર બાળકોને આપવામાં આવતી ઈદી પર પણ દેશમાં પ્રતિબંધ મુકવામાં આવ્યો છે. બિશ્કેકની ન્યૂઝ એજન્સી અનુસાર, રાષ્ટ્રપતિ ઈમોમાલી રહેમાને હિજાબને 'વિદેશી વસ્ત્રો' ગણાવતા પ્રતિબંધની જાહેરાત કરી છે. નવા કાયદાનું પાલન ન કરવા બદલ રૂપિયા 60 હજારથી લઈને 5 લાખ રૂપિયા (ભારતીય ચલણમાં) સુધીના દંડની જોગવાઈ છે. તે જ સમયે, જો કોઈ ધાર્મિક અથવા સરકારી અધિકારી આ કાયદાનું પાલન નહીં કરે તો તેના પર 3-5 લાખ રૂપિયાનો દંડ કરવામાં આવશે. તાજિકિસ્તાનની ન્યૂઝ એજન્સી એશિયા-પ્લસના જણાવ્યા અનુસાર દેશમાં ધર્મનિરપેક્ષતાને પ્રોત્સાહન આપવા માટે સરકારે આ પગલાં લીધા છે. વ્યર્થ ખર્ચ અટકાવવા બાળકોની સુરક્ષા માટે ઈદ પર પ્રતિબંધ
લગભગ 10 મિલિયનની વસ્તી ધરાવતા તાજિકિસ્તાનમાં 96% થી વધુ લોકો ઇસ્લામને અનુસરે છે. દેશની ધાર્મિક સમિતિના અધ્યક્ષ સુલેમાન દવલતજોડાએ જણાવ્યું હતું કે, ઈદ પર પ્રતિબંધ મૂકવાનો નિર્ણય નકામા ખર્ચને રોકવા, બાળકોની સુરક્ષા અને શિક્ષણ પર ધ્યાન વધારવા માટે લેવામાં આવ્યો છે. તાજિકિસ્તાન સરકારના આ નિર્ણયની દેશભરમાં ટીકા થઈ રહી છે. માનવાધિકાર સંગઠનો સહિત મુસ્લિમો સાથે જોડાયેલા ઘણા જૂથોએ નવા કાયદાનો વિરોધ કર્યો છે. જો કે તાજિકિસ્તાનમાં હવે હિજાબ વિરુદ્ધ કાયદો બનાવવામાં આવ્યો છે, પરંતુ તે દેશમાં લાંબા સમયથી બિનસત્તાવાર રીતે પ્રતિબંધિત છે. મીડિયા રિપોર્ટ્સ અનુસાર, તાજિકિસ્તાનની સરકાર હંમેશા હિજાબનો વિરોધ કરે છે. તે તેને દેશના સાંસ્કૃતિક વારસા અને વિદેશી પ્રભાવ માટે ખતરો માને છે. 2015માં રાષ્ટ્રપતિ ઈમોમાલી રહેમાને પણ હિજાબ વિરુદ્ધ આંદોલન શરૂ કર્યું હતું. તેમણે કહ્યું હતું કે, આ નબળા શિક્ષણ અને અસભ્યતાનો પુરાવો છે. ઈસ્લામિક વસ્ત્રો પર 17 વર્ષ પહેલા પ્રતિબંધ મુકવામાં આવ્યો હતો
હિજાબ પર કડક કાર્યવાહી 2007 માં શરૂ થઈ હતી. જ્યારે તાજિક શિક્ષણ મંત્રાલયે વિદ્યાર્થીઓ માટે ઇસ્લામિક કપડાં અને પશ્ચિમી શૈલીના મિની સ્કર્ટ બંને પર પ્રતિબંધ મૂક્યો હતો. બાદમાં આ પ્રતિબંધ તમામ જાહેર સંસ્થાઓ સુધી લંબાવવામાં આવ્યો હતો. આ પછી સરકારે તાજિકિસ્તાનના કપડાં અને વસ્ત્રોને પ્રોત્સાહન આપવાનું શરૂ કર્યું. આ માટે દરેક ઘરે ફોન કોલ દ્વારા મેસેજ મોકલવામાં આવ્યો હતો. તાજિકિસ્તાન ઉપરાંત કઝાકિસ્તાન, અઝરબૈજાન, કિર્ગિસ્તાન અને કોસોવો જેવા મુસ્લિમ બહુમતી દેશોએ પણ શાળાઓ, યુનિવર્સિટીઓ અને સરકારી કચેરીઓમાં હિજાબ અને બુરખા પહેરવા પર પ્રતિબંધ મૂક્યો છે.
આ પ્રકારના તમામ સમાચાર માટેે
App ડાઉનલોડ કરો.