મુકેશ ડાંગરના મકાનમાંથી દારૂની 365 બોટલ ઝડપાઈ

આંબેડકરનગર શેરીમાં રહેતા મુકેશ ડાંગરના મકાનમાં દરોડો પાડી પોલીસે દારૂની 365 બોટલ મળી રૂા.70200નો મુદામાલ કબ્જે કરી કાર્યવાહી કરી હતી ત્યારે મકાન માલિક મુકેશ નાસી છુટતા તેની શોધખોળ હાથ ધરી હતી. દરોડાની વિગત મુજબ એલસીબી ઝોન-2ના પીએસઆઈ આર.એચ.ઝાલા ટીમ સાથે પેટ્રોલીંગમાં હતા.
ત્યારે કોન્સ્ટેબલ મનીષ સોઢીયા અને ધર્મરાજને મળેલ ચોકકસ બાતમીના આધારે ગોંડલ રોડ પર આવેલ આંબેડકરનગર શેરી નં.6/10માં રહેતા મુકેશ ખોડા ડાંગરના મકાનમાં દરોડો પાડી દારૂની અલગ અલગ બ્રાન્ડની 365 બોટલ જપ્ત કરી કુલ રૂા.70200નો મુદામાલ કબ્જે કર્યો હતો.
જયારે દરોડાની ગંધ આવી જતા મકાન માલિક મુકેશ ડાંગર નાસી છુટવામાં સફળ રહ્યો હતો. પોલીસે અગાઉ લેન્ડગ્રેબીંગ સહિતના ગુન્હામાં સંડોવાયેલ મુકેશ ડાંગરને શોધવા ચક્રો ગતિમાન કર્યા હતા.

આ પ્રકારના તમામ સમાચાર માટેે App ડાઉનલોડ કરો.