દ્વારકા જિલ્લામાં ધાર્મિક સ્થળોને નોટિસ આપતા કિસાન કોંગ્રેસ ચેરમેન પાલભાઈ આંબલિયા એ મુખ્યમંત્રીને લખ્યો પત્ર

દ્વારકા જિલ્લામાં ધાર્મિક સ્થળોને નોટિસ આપતા કિસાન કોંગ્રેસ ચેરમેન પાલભાઈ આંબલિયા એ મુખ્યમંત્રીને લખ્યો પત્ર

પત્રમાં સરકાર અને દ્વારકા જિલ્લા પ્રશાસન પર અનેક સવાલ ઉઠાવ્યા

દ્વારકા જિલ્લામાં 200 થી વધારે ધાર્મિક સ્થળોને નોટિસ આપવામાં આવી છે

જે ધાર્મિક સ્થળોને નોટિસ અપાઈ છે તે પૈકી કેટલાય સ્થળો આઝાદી પહેલાના છે

આ ધાર્મિક સ્થળો આસ્થા, ભાઈચારા, સૌહાર્દ, કોમી એખલાસનું પ્રતીક છે

આ જ સ્થળોએ લોકો વાર તહેવારમાં જ્ઞાતિ જાતિ ધર્મ બાજુએ મૂકી રંગેચંગે તહેવારો ઉજવે છે

નોટિસ આપેલા પૈકી કેટલાક ધાર્મિક સ્થળોમાં સરકારે પોતે ચૂંટાયેલા પ્રતિનિધિની ગ્રાન્ટ વાપરી છે

જો જન પ્રતિનિધિની ગ્રાન્ટ વપરાઇ હોય તો તે સ્થળો ગેરકાયદેસર કેવીરીતે હોઈ શકે ???

જો આ ધાર્મિક સ્થળો ગેરકાયદેસર હતા તો ત્યાં જન પ્રતિનિધિની ગ્રાન્ટ શા માટે વાપરવામાં આવી ???

ચાલુ વર્ષે પણ દ્વારકા જિલ્લામાં 20 કરોડની ગ્રાન્ટ આવા જ ધાર્મિક સ્થળોમાં મંજૂર કરવામાં આવી છે

એક બાજુ સરકાર ગ્રાન્ટ વાપરે ને બીજી બાજુ એ જ સ્થળોને ગેરકાયદેસર બતાવે આવી બેધારી નીતિ કેમ ???

સરકારે ગેરકાયદેસર દબાણ દૂર કરવા જ હોય તો શહેરોમાં કિંમતી જમીન પરના દબાણ દૂર કરવાથી શરૂઆત કરે

સરકારે દબાણ દૂર કરવા જ હોય તો ઘડી કંપનીએ જે રાજમાર્ગ બંધ કર્યો છે તેને પહેલા ખુલ્લો કરવામાં આવે

સરકારે દબાણ દૂર કરવા જ હોય તો વિન્ડફાર્મ કંપનીઓએ ગેરકાયદે ઉભા કરેલા વિન્ડપોલ પહેલા તોડવામાં આવે

સરકારના માનીતા લોકો માટે ઈંપેક્ટ ફી નો કાયદો આવે તો ધાર્મિક સ્થળો માટે કેમ નહિ ??

નામદાર સુપ્રીમ, હાઇકોર્ટના સુચનને આગળ કરી ધાર્મિક સ્થળોને નોટીસ આપવામાં આવી છે

નામદાર હાઇકોર્ટ, સુપ્રીમ કોર્ટ આપેલા અને ચૂકળાઓનો અમલ પેન્ડિંગ છે

આવા પેન્ડિંગ તમામ ચુકાદાઓનો અમલ પહેલા કરવામાં આવે

પ્રતિ,
મુખ્યમંત્રીશ્રી,
સ્વર્ણિમ સંકુલ - 1,
વિધાનસભા પરિસર,
ગાંધીનગર

વિષય : દ્વારકા જિલ્લામાં 200 થી વધારે ધાર્મિક સ્થળોને તોડી પાડવા માટે વહીવટી તંત્ર દ્વારા અપાયેલ નોટિસ બાબત

મહોદયશ્રી,
જય જગત સાથ જણાવવાનું કે ભારતીય જનતા પક્ષના આગેવાન અને દેશના ઉપ વડાપ્રધાન લાલકૃષ્ણ અડવાણી એ એક સમયમાં કહ્યું હતું કે "'સરકાર અમારી આસ્થા નક્કી કરશે ???'' મહોદયશ્રી ધાર્મિક બાબત એ આસ્થાનો વિષય છે અત્યારે દ્વારકા જિલ્લામાં જે જે ધાર્મિક સ્થળોના દબાણ દૂર કરવાની નોટિસો આપવામાં આવી છે તે પૈકી કેટલાય ધાર્મિક સ્થળો આઝાદી પહેલાના છે કેટલાય સ્થળો પર રોજના હજારો લોકો આવે છે દરેક ગામનું ધાર્મિક સ્થળ એ ગામ માટે ભાઈચારા, કોમી એકતાનું પણ પ્રતીક છે ગામડાઓમાં વાર તહેવારમાં આ જ સ્થળોએ લોકો જ્ઞાતિ, જાતિ ધર્મ જોયા વગર સામુહિક રીતે એકઠા થઇ હર્ષોલ્લાસ સાથે તહેવારો ઉજવે છે ત્યારે સરકારને એવી તે શું જરૂરિયાત ઉભી થઇ કે શહેરોમાં હજારો ચોરસ મીટર સરકાર જમીન દબાવીને બેઠેલા મોટા માથાઓએ કરેલા આ દબાણ દૂર કરવાને બદલે ગામડાંઓમાં અંતરિયાળ જગ્યાએ આવેલા મંદિરોમાં દબાણ દેખાઈ આવ્યું ને એ દૂર કરવાની નોટિસ આપી દીધી ??
જ્યારે દ્વારકા જિલ્લાના વહીવટી તંત્રએ ધાર્મિક સ્થળો દૂર કરવા માટે નોટિસ આપી છે ત્યારે સરકારશ્રીને કેટલાક સવાલ છે

1) આ ધાર્મિક સ્થળો વર્ષોથી ત્યાંના ત્યાં જ છે એ આજકાલમાં સરકારી ખરાબાઓ કે ગૌચરની જમીન પચાવી પાડવાના બદ ઈરાદા સાથે બનાવેલ ધાર્મિક સ્થળ નથી તો સરકાર અચાનક આ ધાર્મિક સ્થળો તોડવા માટે ઉત્સુકત કેમ છે ??

2) આ ધાર્મિક સ્થળો લોકોની આસ્થા છે રોજ લોકો ત્યાં માથું ટેકવે છે સાથે મળીને રંગે ચંગે ધાર્મિક તહેવાર ઉજવે છે તો સરકારશ્રીને કોમી એખલાસના પ્રતીક સમાન આ ધાર્મિક સ્થળોને દૂર કરાવી સૌહાર્દપૂર્ણ વાતાવરણને ડહોડવાની શું જરૂરિયાત ઉભી થઇ ??

3) આ ધાર્મિક સ્થળો પૈકી મોટાભાગના ધાર્મિક સ્થળોમાં તાલુકા પંચાયત, જિલ્લા પંચાયતના સદસ્યશ્રીઓ, પ્રમુખશ્રીઓ, નગરપાલિકાના સદસ્યશ્રીઓ, પ્રમુખશ્રીઓ, ધારાસભ્યશ્રીઓ, સંસદસભ્યશ્રીઓએ ભૂતકાળમાં ગ્રાન્ટની ફાળવણી કરી છે ને વહીવટી તંત્રએ ત્યાં એ ગ્રાન્ટ વાપરી કોઈને કોઈ ધાર્મિક સ્થળના કોઈ એક ભાગ આ ગ્રાન્ટથી બનેલો છે ત્યારે સવાલ એ ઉભો થાય છે કે જે તે સમયે આ જ ધાર્મિક સ્થળમાં ગ્રાન્ટ વાપરી છે તો શું દબાણ વાળી જગ્યાએ બનેલા ધાર્મિક સ્થળની પુરી ચકાસણી કર્યા વગર જ ગ્રાન્ટ વાપરવામાં આવી હતી ?? જ્યારે આ ધાર્મિક સ્થળોમાં ગ્રાન્ટ વાપરવામાં આવી ત્યારે તેમની કાયદેસરતા કેમ ચકાસવામાં ન આવી ?? આ ધાર્મિક સ્થળોની માવજત, મરામત કે તેમના વિકાસમાં સરકાર પોતે રૂપિયા વાપરે તેને ગેરકાયદેસર કેવી રીતે કહેવાય ???

4) અત્યારે ચાલુ વર્ષે દ્વારકા જિલ્લામાં જ સરકારની ઓછામાં ઓછી અંદાજે 20 કરોડની ગ્રાન્ટની ફાળવણી એવા ધાર્મિક સ્થળોમાં કરવામાં આવી છે કે જે સરકારી ખરાબાઓ કે ગૌચરની જમીન પર ઉભા છે ને ત્યાં પણ ગ્રાન્ટ વપરાઇ રહી છે ત્યારે સવાલ એ ઉભો થાય છે કે સરકાર એક તરફ આ ધાર્મિક સ્થળોમાં ગ્રાન્ટ વાપરી પ્રોત્સાહન આપે છે ને બીજી બાજુ એ જ ધાર્મિક સ્થળોને ગેરકાયદેસર ગણાવી ને તોડી પાડવા માટે નોટિસો આપવામાં આવે છે તો સરકારની આ બેધારી નીતિ કેમ ??

5) નામદાર સુપ્રીમ કોર્ટનો હવાલો આપીને ધાર્મિક સ્થળોને દબાણ દૂર કરવાની નોટિસમાં આપવામાં આવી છે ત્યારે હૂઁ આપનું ધ્યાન દોરવા માગું છું કે જેમ શહેરોમાં સરકારની ખૂબ કિંમતી જમીનોમાં સરકારના માનીતા આગેવાનોએ પોતાના વ્યક્તિગત લાભ માટે કબ્જો કરી, મોટા મોટા કોમર્શિયલ કોમ્પ્લેક્સ ઉભા કરી દીધા બાદ તેમને કાયદેસર કરવા માટે "ઇમ્પેક્ટ ફી" નો કાયદો આપ સરકાર જ લાવી હતી તો એવી જ રીતે આ લાખો લોકોના આસ્થા, સૌહાર્દ, ભાઈચારા, કોમી એખલાસના પ્રતિક સમાન ધાર્મિક સ્થળો માટે પણ સરકાર કાયદો બનાવી જ શકે છે ત્યારે સવાલ એ છે કે સરકાર આવો કાયદો લાવવાની જગ્યાએ ધાર્મિક સ્થળોને તોડી પાડવા માટે તલપાપડ કેમ થઈ રહી છે ???

6) ધાર્મિક સ્થળોને તોડી પાડવા ઉત્સુક સરકાર નામદાર કોર્ટના આદેશને આગળ કરી નોટિસો આપે છે તો હૂઁ સરકારશ્રીને યાદ કરાવવા માંગુ છું કે નામદાર ગુજરાત હાઈકોર્ટ અને નામદાર સુપ્રીમ કોર્ટના કેટલાય આદેશો આજે પણ પેન્ડીંગ છે તો સરકારશ્રીને ચેલેન્જ છે કે ધાર્મિક સ્થળો હટાવવાના આદેશનો અમલ કરતા પહેલા નામદાર ગુજરાત હાઈકોર્ટ ને નામદાર સુપ્રીમ કોર્ટ દ્વારા થયેલા અને પેન્ડિંગ હોય તેવા તમામ આદેશોનો અમલ કરી બતાવે

7) જો સરકારશ્રીને લાગતું જ હોય કે સરકારી જગ્યા કે ગૌચરની એકપણ જગ્યાએ ગેરકાયદેસર દબાણ ન હોવું જોઈએ તો સરકારે ઘડી કંપનીએ જે રાજાશાહી સમયના એક ગામથી બીજા ગામને જોડતો રાજમાર્ગ બંધ કરી દીધો છે તેને ધાર્મીક સ્થળોને તોડતા પહેલા તાત્કાલિક ખુલ્લોકરાવવો જોઈએ

8) જો સરકારશ્રીને લાગતું જ હોય કે સરકારી જગ્યા કે ગૌચરની એકપણ જગ્યાએ ગેરકાયદેસર દબાણ ન હોવું જોઈએ તો દ્વારકા જિલ્લામાં વિન્ડફાર્મ કંપનીઓને કલેકટરશ્રીએ આપેલી જગ્યાના બદલે અન્ય સરકારી જગ્યાએ વિન્ડપોલ ઉભા કરી સરકારી જગ્યા પર દબાણ કરી લીધું છે. તેવી જ રીતે સરકારશ્રીના વર્તમાન નિયમોનુસાર કોઈપણ વિન્ડપોલ નેશનલ હાઇવે, રાજ્ય ધોરીમાર્ગ થી લઈ ગ્રામ માર્ગોથી એક યોગ્ય અંતરે હોવા જોઈએ જે નિયમનું પાલન કર્યા વગર વિન્ડપોલ ઉભા કરી દેવામાં આવ્યા છે તો ધાર્મિક સ્થળોને હટાવતા પહેલા આ વિન્ડપોલને હટાવવાની હિંમત 56 ઇંચની છાતીવાળી સરકારમાં છે ખરી ??

9) જો સરકારશ્રીને લાગતું જ હોય કે સરકારી જગ્યા કે ગૌચરની એકપણ જગ્યાએ ગેરકાયદેસર દબાણ ન હોવું જોઈએ તો દ્વારકા જિલ્લાના મુખ્ય મથક જામ ખંભાળિયા, ભાણવડ, દ્વારકા સહિતના શહેરોમાં સરકારના માનીતા લોકોએ પોતાના વ્યક્તિગત લાભ માટે સરકારની માલિકીની ખૂબ કિંમતી જગ્યામાં મોટા મોટા કોમર્શિયલ કોમ્પલેક્ષ, પોતાના મકાન, ઓફિસો, હોટેલો બનાવીને બેઠા છે હૂઁ સરકારશ્રીને ચેલેન્જ સાથે કહું છું કે સરકારમાં તાકાત હોય તો ધાર્મિક સ્થળોને હટાવતા પહેલા આ દબાણો દૂર કરીને બતાવે.
મહોદયશ્રી આપને નમ્ર અનુરોધ છે કે દેવભૂમિ દ્વારકા જિલ્લામાં જે જે ધાર્મિક સ્થળોને દબાણ દૂર કરવાની નોટિસો આપી લોકોની આસ્થા સાથે રમત કરવામાં આવી છે ત્યારે તે નોટિસ દિવસ 10 માં પરત લેવામાં આવે અને આ ધાર્મિક સ્થળોને કાયદો બનાવી ત્યાં રોકાયેલ જગ્યાને એકપણ રૂપિયો વસુલ કર્યા વગર કાયદેસર કરી આપવામાં તેવી અમારી લાગણી અને માંગણી છે

નકલ રવાના :
કલેકટરશ્રી, દેવભૂમિ દ્વારકા.

લી. આપનો વિશ્વાસુ
પાલભાઈ આંબલિયા
ચેરમેન
ગુજરાત કિસાન કોંગ્રેસ

રીપોર્ટર : હસનશા દરવેશ જામ ખંભાળિયા મો. 9925793554

આ પ્રકારના તમામ સમાચાર માટેે App ડાઉનલોડ કરો.