જામનગરના ઠેબા ચોકડી નજીક કારની ઠોકરે રાજકોટના વૃદ્ધનું મોત
જામનગરના ઠેબા ચોકડી નજીક કારની ઠોકરે રાજકોટના વૃદ્ધનું મોત
જામનગર રાજકોટ હાઇવે પર આવેલ ઠેબા ચોકડી વધુ એક વખત લોહિયાળ બની છે. જેમાં છોટાહાથીની ઠોકરે 65 વર્ષના વૃદ્ધને ગંભીર ઈજા થયા બાદ તેનું મોત નીપજ્યું છે. આ મામલે અજાણ્યા છોટાહાથી ચાલક સામે પોલીસ ફરિયાદ નોંધાય છે.
આ મામલે જાણવા મળતી વિગતો અનુસાર રાજકોટના ભક્તિનગર સર્કલ પાસે ગીતામંદિર પાછળ શિવ સંકુલ એપાર્ટમેન્ટમાં રહેતા ધર્મેશભાઈ ભરતભાઈ લાઠીયાના પિતા ભરતભાઈ ભીખુભાઈ લાઠીયા નામના 65 વર્ષીય આધેડ પોતાનું હોન્ડા બાઇક લઇ જામનગરના ઠેબા ચોકડી નજીકથી પસાર થઈ રહ્યા હતા. આ દરમિયાન અજાણ્યા છોટાહાથીના ચાલકે સ્ટેરીંગ પરનું નિયંત્રણ ગુમાવી ભરતભાઈ લાઠીયાની રજીસ્ટર નંબર જીજે 03 ઇએચ 2074ને અડફેટે લેતા ધડાકાભેર અકસ્માત સર્જાયો હતો.
આ અકસ્માતને પગલે છોટા હાથીની ઠોકરે ભરતભાઈ લાઠિયા નામના 65 વર્ષીય આધેડને ગંભીર ઈજા પહોંચી હતી. જેને માથામાં તથા શરીરના ભાગે ઈજા પહોંચતા સારવાર માટે તાત્કાલિક જીજી હોસ્પિટલ ખાતે ખસેડવામાં આવ્યા હતા. જોકે જીજી હોસ્પિટલ પહોંચતા તેનું મોત નીપજ્યું હોવાનું સામે આવ્યું હતું. બીજી બાજુ અકસ્માતને અંજામ આપી નાશી છુંટેલા છોટાહાથી ચાલક સામે ધર્મેશભાઈ લાઠીયાએ પોલીસ ફરિયાદ નોંધાવતા હાલ પોલીસે ગુનો નોંધી તપાસના ચક્ર ગતિમાન કર્યા છે.
8000003352
આ પ્રકારના તમામ સમાચાર માટેે
App ડાઉનલોડ કરો.