જામનગર જિલ્લામાં પોલીસે આઠ સ્થળે પાડેલા જુગારના દરોડામાં 20 મહિલા સહિત 41 પત્તા પ્રેમીઓની અટકાયત

જામનગર,તા.13 ઓગષ્ટ 2022,શનિવારજામનગર શહેર અને જિલ્લામાં શ્રાવણીયા જુગારની મોસમ પુરબહારમાં ખીલી છે, ત્યારે પુરુષોની સાથે મહિલાઓ એ પણ પુરા જોશથી જુગારની પ્રવૃત્તિમાં ઝુકાવ્યું છે, અને પુરૂષોની સમોવડી બની છે. ગઈ રાત્રે પોલીસે જુગાર અંગે સમગ્ર જિલ્લામાં આઠ સ્થળોએ દરોડા પાડયા હતા, જેમાં ૨૦ મહિલાઓ સહિત ૪૧ જુગાર રમતા પકડાયા છે. જામનગર શહેરમાં ગઈકાલે પોલીસે પાંચ સ્થળે જુગાર અંગે દરોડા પાડયા હતા. જેમાં ખોડીયાર કોલોની રાજ ચેમ્બરમાં બ્લોક નંબર એ.૮ માં રહેતી રીટાબા હિતેન્દ્રસિંહ જાડેજા નામની મહિલાના રહેણાંક મકાન પર પોલીસે દરોડો પાડી મકાનમાલિક રીટાબા અને ભૂમિકાબેન સહિત આઠ પતા પ્રેમીઓની અટકાયત કરી લઈ તેઓ પાસેથી રોકડ રકમ અને જુગારનું સાહિત્ય કબ્જે કર્યુ છે.આ ઉપરાંત જામનગરમાં ધરાનગર - ૨ વિસ્તારમાંથી નજમા બેન યુનુસભાઇ સહિત ૬મહિલાઓને ગંજીપાનાનો જુગાર રમતા ઝડપી લેવામાં આવી છે.જયારે ખોડીયાર કોલોની નજીક આહીર પાડો વિસ્તારમાંથી અમરીબેન કરસન ભાઈ કાંબરીયા સહિત છ મહિલાઓને જુગાર રમતા પકડી લેવામાં આવી છે. આ ઉપરાંત ખોડીયાર કોલોની અશોક સમ્રાટ નગર વિસ્તારમાંથી લક્ષ્મીબેન મયુદ્દીન ભાઈ અને કાંતાબેન અરજણભાઈ જાદવ સહિત સાત પતાપ્રેમીઓને પકડી પાડવામાં આવ્યા છે.ગઈકાલે રાત્રી દરમિયાન પોલીસે જામનગર શહેર લાલપુર અને જામજોધપુરમાં કુલ આઠ દરોડા પાડયા હતા જેમાં ૨૦ મહિલાઓ અને ૨૧ સહિત ૪૧ પતા પ્રેમીઓની અટકાયત કરી લઈ તેઓ પાસેથી રૂપિયા એકાદ લાખની માલમતા કબજે કરી છે.

આ પ્રકારના તમામ સમાચાર માટેે App ડાઉનલોડ કરો.