સહયોગ કોમ્પ્લેક્ષની ઓફિસમાંથી દારૂની 20 બોટલ સાથે લીસ્ટેડ બુટલેગર ઝડપાયો

એસટી બસ પોર્ટ પાછળ આવેલ સહયોગ કોમ્પ્લેક્ષની ઓફિસમાંથી દારુની 20 બોટલ સાથે લીસ્ટેડ બુટલેગર જયદિપ ઉર્ફે ટેભોને ક્રાઇમ બ્રાંચે દબોચી રૂા.35 હજારના મુદામાલ કબ્જે કર્યો હતો. દરોડાની વિગત અનુસાર ક્રાઇમ બ્રાંચના પીઆઇ વાય.બી. જાડેજાની રાહબરીમાં હેડ.કોન્સ. કિરતસિંહ ઝાલા અને પ્રદિપસિંહ જાડેજા સાથે પેટ્રોલીંગમાં હતા
ત્યારે મળેલ ચોક્કસ બાતમીના આધારે એસટી બસ સ્ટેન્ડની પાછળના ભાગે કરણપરામાં આવેલ સહયોગ કોમ્પ્લેક્ષમાં 207 નંબરની ઓફિસમાં દરોડો પાડી તપાસ કરતાં ઓફિસમાંથી અલગ-અલગ બ્રાંડની 20 બોટલ દારુ મળી આવતા પોલીસે ત્યાં હાજર જયદિપ ઉર્ફે ટેભો સુરેશભાઇ પરમાર (ઉ.વ.30, રહે. રામેશ્ર્વર સોસાયટી શેરી નં.2)ને દબોચી રુા.35 હજારનો મુદામાલ કબજે કર્યો હતો. વધુમાં આરોપી અગાઉ અનેક દારુના ગુનામાં સંડોવાયેલ અને લિસ્ટેડ બુટલેગર હોવાનું ખુલ્યું હતું. દારુ તે હરીયાણાથી 31 ફર્સ્ટની ઉજવણી સમયે વેંચવા માટે લાવ્યો હોવાનું કબુલ્યું હતું.

આ પ્રકારના તમામ સમાચાર માટેે App ડાઉનલોડ કરો.