સમ્રાટ ઈન્ડસ્ટ્રીયલ એરીયા પાસે રીક્ષામાંથી વિદેશી દારૂની 84 બોટલ સાથે અર્જુન ઝડપાયો

સમ્રાટ ઈન્ડસ્ટ્રીયલ એરીયા રોલેકસ કારખાના પાસેથી પસાર થતી ઓટો રીક્ષામાંથી વિદેશી દારૂની 84 બોટલ સાથે અર્જુન મુંજારીયાને માલવીયાનગર પોલીસે દબોચી રૂા.1.92 લાખનો મુદ્દામાલ કબ્જે કર્યો હતો. દરોડાની વિગત મુજબ માલવીયાનગર પોલીસ સ્ટેશનના પીઆઈ એ.બી. જાડેજાની રાહબરીમાં પીએસઆઈ એમ.એસ. મહેશ્ર્વરી ટીમ સાથે પેટ્રોલીંગમાં હતા ત્યારે સાથેના હેડ કોન્સ. અજય વિકમા, કોન્સ. અંકિત નિમાવત અને ભાવેશ ગઢવીને સમ્રાટ ઈન્ડ. એરીયામાંથી દારૂ ભરેલ ઓટો રીક્ષા પસાર થવાની મળેલ ચોકકસ બાતમીના આધારે બાતમીના સ્થળે વોચમાં રહેલ જયારે પસાર થયેલ ઓટો રીક્ષા નં.જીજે 03 ડીએકસ 8583ને અટકાવી તપાસ કરતા પાછળની સીટ નીચેથી વિદેશી દારૂની 84 બોટલ મળી આવી હતી. પોલીસે રીક્ષા અને દારૂ મળી રૂા.1.92 લાખનો મુદામાલ કબજે કરી રીક્ષા ચાલક અર્જુન અતુલ મુંજારીયા (રહે. સહકાર મેઈન રોડ)ની ધરપકડ કરી હતી. પોલીસે આરોપી દારૂ કયાથી લાવ્યો અને કયા સપ્લાય કરવાનો હતો તે અંગે પૂછપરછ હાથ ધરી હતી.

આ પ્રકારના તમામ સમાચાર માટેે App ડાઉનલોડ કરો.