લાપાસરીમાં દિવાલ માથે પડતા ત્રણ વર્ષના બાળકનું કમકમાટીભર્યું મોત
લાપાસરી ગામની સીમ વિસ્તારમાં બેલાની કાચી દિવાલ ધસી પડતા ત્યાં રમી રહેલ ત્રણ વર્ષનો બાળક દબાઈ જતા તેનું કમકમાટીભર્યું મોત નિપજતા અરેરાટી વ્યાપી ગઈ હતી.
પ્રાપ્ત વિગત મુજબ લાપાસરી ગામમાં બીલીપત્ર પાર્ટીપ્લોટ પાછલ રહેતા સુરેશભાઈ નીનામાનાં ત્રણ વર્ષનો પુત્ર અમીત ઘર પાસે રમી રહ્યો હતો ત્યારે અચાનક જ તેની બાજુમાં રહેલ બેલાની કાચી દિવાલ ધસી પડતા બાળક દિવાલ નીચે દબાઈ ગયો હતો. બનાવ અંગે જાણ થતા પરિવારજનો દોડી આવ્યા હતા અને બાળકને બહાર કાઢી ગંભીર રીતે ઘવાયેલ હાલતમાં સારવાર અર્થે સીવીલ હોસ્પીટલે ખસેડવામાં આવ્યો હતો.
પરંતુ સારવાર મળે તે પહેલા જ તેમનું મોત નિપજયું હતું. બનાવ અંગે સીવીલ ચોકીના સ્ટાફે આજીડેમ પોલીસને જાણ કરતા સ્ટાફ દોડી આવ્યો હતો અને જરૂરી કાર્યવાહી કરી મૃતદેહને પીએમ અર્થે ખસેડવામાં આવેલ હતો.
વધુમાં મૃતક બાળકનો પરિવાર મુળ મધ્યપ્રદેશનો વતની છે અને તે ત્રણ બહેનનો એકનો એક ભાઈ હતો. પરિવારના એકના એક પુત્રના મોતથી કલ્પાંત સાથે શોક છવાઈ ગયો હતો.
9879405838
આ પ્રકારના તમામ સમાચાર માટેે
App ડાઉનલોડ કરો.