ડાઇનિંગ હોલની લિફ્ટનો તાર તૂટતાં બે મહિલા ઘવાઇ: બન્ને સારવારમાં
શહેરના સત્ય સાંઇ હોસ્પિટલ રોડ પર મારુતિ ચોકમાં આવેલા ડાઇનિંગ હોલની લિફ્ટ તૂટતાં તેમાં રહેલા બે મહિલાને ઇજા થતાં હોસ્પિટલમાં ખસેડવામાં આવ્યા હતા, પોલીસે આ મામલે તપાસ શરૂ કરી હતી. બનાવની પોલીસસૂત્રોમાંથી જાણવા મળતી વિગત અનુસાર નાનામવા રોડ પરના ભીમરાવનગરમાં રહેતા ગૌરીબેન પ્રવીણભાઇ શ્રીમાળી (ઉ.વ.48) અને તેમના પાડોશી સવિતાબેન કિશોરભાઇ મકવાણા (ઉ.વ.34) ગત તા.21ના મારુતિ ચોકમાં આવેલા ખોડિયાર ડાઇનિંગ હોલમાં વાસણ સફાઇ સહિતના કામે ગયા હતા, રાત્રે સાડા દશેક વાગ્યે કામ પૂરું કરીને બંને મહિલા ત્રીજા માળેથી લિફ્ટમાં પ્રવેશ્યા હતા અને લિફ્ટ બીજા માળે પહોંચતા જ લિફ્ટનો તાર તૂટતાં લિફ્ટ ધડાકાભેર સેલરમાં ખાબકી હતી.
આ પ્રકારના તમામ સમાચાર માટેે
App ડાઉનલોડ કરો.