સાબરકાંઠા જિલ્લાકક્ષાના યુવા ઉત્સવમાં ૧૫ થી ૨૯ વર્ષના યુવાઓ ભાગ લઈ શકશે

કમિશનરશ્રી, યુવક સેવા અને સાંસ્કૃતિક પ્રવૃત્તિઓ ગાંધીનગરની યુથ બોર્ડ શાખા દ્વારા પ્રેરિત તથા જિલ્લા રમતગમત અધિકારીની કચેરી સાબરકાંઠા દ્વારા આયોજીત જિલ્લા કક્ષા યુવા ઉત્સવ નું આયોજન દર વર્ષે કરવામાં આવે છે. જિલ્લાકક્ષાની સ્પર્ધાઓમાં ૧૫ થી ૨૯ વર્ષનાયુવક યુવતીઓ માટે લોકનૃત્ય, લોકગીત, શાસ્ત્રીય કંઠ્ય સંગીત – હિંદુસ્તાની, શાસ્ત્રીય કંઠ્ય સંગીત – કર્ણાટકી, સિતાર,વાંસળી, તબલા, વીણા, મૃદંગમ, હાર્મોનિયમ (હળવુ), ગિટાર, શાસ્ત્રીય નૃત્ય-ભરતનાટ્યમ, શાસ્ત્રીય નૃત્ય-કથ્થક, શાસ્ત્રીય નૃત્ય-મણિપુરી, શાસ્ત્રીય નૃત્ય-ઓડીસી, શાસ્ત્રીય નૃત્ય-કુચીપૂડી, શીઘ્ર વકતૃત્વ (હિન્દી/અંગ્રેજી), એકાંકી (હિન્દી/અંગ્રેજી)નું આયોજન કરવામાં આવેલ છે. જેમાં ભાગ લેવા ઇચ્છુક સ્પર્ધકોએ તા.૩૦/૦૭/૨૦૨૩ના રોજ સાંજે ૫.૦૦ કલાક પહેલા પોતાનું પ્રવેશપત્ર કચેરીએથી મેળવી જિલ્લા રમત ગમત અધિકારીની કચેરી, ક્રિષ્ના હોસ્પીટલ કમ્પાઉન્ડ સબજેલ પાસે, હિંમતનગર સાબરકાંઠા કચેરીએ રૂબરૂ મોકલી આપવા જિલ્લા યુવા વિકાસ અધિકારીશ્રી ની એક અખબારી યાદીમાં જણાવાયું છે. 

આબિદઅલી ભુરા સાબરકાંઠા

આ પ્રકારના તમામ સમાચાર માટેે App ડાઉનલોડ કરો.