રાજકોટમાં 10થી 14 જુલાઈ દરમિયાન ધોરણ-10 અને 12 બોર્ડની પૂરક પરીક્ષા, પ્રતિબંધાત્મક આદેશો અપાયા

ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ, ગાંધીનગર દ્વારા આગામી તારીખ 10થી 14 જુલાઈ દરમિયાન ધોરણ-10 અને 12ની પૂરક પરીક્ષા લેવાનાર છે. જેમાં ધો.12ની પરીક્ષા 23 કેન્દ્રો ખાતે તા.10થી 14 સુધી સવારે 10 કલાકથી બપોરે 1:15 સુધી તથા બપોરે 3 કલાકથી 6:15 સુધી લેવાશે. તેમજ ધો.-10ની પરીક્ષા 12 કેન્દ્રો ખાતે તા.10થી 13 સુધી સવારે 10:30 કલાકથી બપોરે 2 વાયા સુધી તથા બપોરે 3 કલાકથી સાંજે 6:30 સુધી જુદા-જુદા 35 કેન્દ્રોમાં યોજાનાર છે. પરીક્ષાર્થીઓ પરીક્ષા કોઇપણ જાતની ખલેલ વિના શાંતપૂર્ણ વાતાવરણમાં આપી શકે, તે હેતુસર રાજકોટ શહેર પોલીસ કમિશ્નર રાજુ ભાર્ગવ દ્વારા ખાસ જાહેરનામું બહાર પાડી પ્રતિબંધાત્મક આદેશો અપાયા છે.

આ પ્રકારના તમામ સમાચાર માટેે App ડાઉનલોડ કરો.