બંગલો, ગાડી, ફ્રી ટ્રાવેલ, ફ્રી ટોલ…!:દરરોજ ઘરે મીટિંગ કરવાના 2000 રૂપિયા, આજથી સામાન્યમાંથી ખાસ લોકોની ગણતરીમાં આવશે 280 સાંસદ

આજથી (24 જૂન, 2024) 18મી લોકસભાના પહેલા સત્રની શરૂઆત થઈ ગઈ છે. પહેલા અને બીજા દિવસે હાલમાં જ થયેલી લોકસભા ચૂંટણીમાં ચૂંટાયેલા સાંસદ પોતાના પદના શપથ લેશે. ત્યાર બાદ તેઓ સંસદના ઓફિશિયલ સભ્ય બની જશે. જેમાં કેટલાક સાંસદો એવા છે, જે પહેલીવાર સાંસદપદના શપથ લીધા. સાંસદ બનવાની સાથે જ તેમને સાંસદને મળતી સુવિધાઓ મળવા લાગશે અને તેઓ સામાન્યથી ખાસ લોકોની ગણતરીમાં આવી જશે. કેટલા સાંસદો પહેલીવાર શપથ લેશે?
18મી લોકસભામાં પહોંચેલા સાંસદોમાં મોટા ભાગના સાંસદ એવા છે, જેઓ ફર્સ્ટ ટાઇમ સાંસદ બન્યા છે. નોંધનીય છે કે સંસદમાં 52 ટકા સાંસદ પહેલીવાર સાંસદપદના શપથ લેશે. હાલ કુલ 280 સાંસદ છે. માત્ર ઉત્તરપ્રદેશથી 45 સાંસદ એવા છે, જેઓ પહેલીવાર સાંસદ બન્યા છે. ત્યાં જ મહારાષ્ટ્રથી 33 સાંસદ પહેલીવાર ચૂંટાયેલા સાંસદ છે. કેવી રીતે લાઇફ ચેન્જ થશે?
પહેલીવાર ચૂંટાયેલા સાંસદ આજથી સંસદનો ભાગ હશે અને લોકસભા સભ્ય તરફથી મળતી સુવિધાઓનો ફાયદો લઇ શકશે. એવામાં જાણીએ આજથી સાંસદોને કેવી-કેવી સુવિધાઓ મળશે. સાંસદ તરીકે ચૂંટાયા પછી સભ્યોને સામાન્ય રીતે પગાર, મુસાફરી સુવિધાઓ, તબીબી સુવિધાઓ, રહેઠાણ, ટેલિફોન, પેન્શન વગેરેની સાથે ઘણાં ભથ્થાં આપવામાં આવે છે. 11 મે, 2022ના પગાર અને ભથ્થાંમાં કરાયેલા ફેરફારો અનુસાર, સાંસદોને 1 લાખ રૂપિયાનો પગાર આપવામાં આવે છે, આ સિવાય તેમને ઘરે મિટિંગને લઇને દરરોજના 2000 રૂપિયા મળે છે. આ ઉપરાંત સંસદસભ્યોને ગૃહ સત્રો, સમિતિની બેઠકો વગેરેમાં હાજરી આપવા માટે મુસાફરીની સુવિધા આપવામાં આવે છે. આ માટે સાંસદોને સત્રમાં આવવા-જવાના પૈસા આપવામાં આવે છે. જો કોઈ સાંસદ 15 દિવસથી ઓછા સમય માટે સત્રમાં ગેરહાજર રહે છે, તો તેમને મુસાફરીના પૈસા મળે છે. આ સિવાય સાંસદોને કેટલીક મુસાફરી માટે રેલવેના ફર્સ્ટ ક્લાસ કોચમાં ફ્રી મુસાફરી મળે છે અને પરિવારને લઈને પણ કેટલાક નિયમો છે. આમાં પરિવારના સભ્યોને કેટલીક યાત્રાઓમાં છૂટ પણ મળે છે. એ જ સમયે આંદામાન-નિકોબાર ટાપુ અને લક્ષદ્વીપના સાંસદોને સ્ટીમરની સુવિધા આપવામાં આવે છે. યાત્રાને લઈને છૂટની ઘણી શરતો છે, જે મુજબ સાંસદોને છૂટ મળે છે. આ સાથે દરેક સાંસદને તેમના કાર્યાલય ખર્ચ માટે પણ પૈસા મળે છે. સત્તાવાર વેબસાઇટ અનુસાર, દરેક સાંસદને 20,000 રૂપિયા ભથ્થું, સ્ટેશનરી માટે 4,000 રૂપિયા, લેટર માટે 2,000 રૂપિયા અને સ્ટાફ માટે રૂપિયા આપવામાં આવે છે. એ જ સમયે ટોલમાંથી મુક્તિ માટે દરેક સાંસદને બે ફાસ્ટેગ આપવામાં આવે છે, એક દિલ્હીમાં વાહન માટે અને એક તેમના વિસ્તારમાં વાહન માટે. આનાથી તેઓ ટોલ વિના મુસાફરી કરી શકે છે. આ ઉપરાંત સાંસદોને ઘણી એવી જગ્યાઓ પર એક્સેસ અથવા પ્રોટોકોલ મળે છે, જ્યાંથી સામાન્ય માણસને દૂર રાખવામાં આવે છે. સાંસદને પગારમાં 1 લાખ રૂપિયા, મતવિસ્તાર ભથ્થા તરીકે લગભગ 70 હજાર રૂપિયા, કાર્યાલય ખર્ચ માટે લગભગ 60 હજાર રૂપિયા મળે છે. આ સિવાય મુસાફરી ભથ્થું, મકાન અને તબીબી સુવિધાઓ અલગથી ઉપલબ્ધ છે. સાંસદોને તેમની વરિષ્ઠતાને ધ્યાનમાં રાખીને ગૃહો આપવામાં આવે છે. તમને જણાવી દઈએ કે આ સાંસદોમાંથી જેઓ મંત્રી છે તેમને અલગ-અલગ સુવિધાઓ મળે છે. પેન્શન સંબંધિત નિયમો શું છે?
જો પેન્શનની વાત કરીએ તો કોઈપણ સાંસદ કેટલા દિવસો સુધી સાંસદ રહે, તેમને દરેક સત્ર પ્રમાણે દર મહિને 22 હજાર રૂપિયા પેન્શન અને થોડી સુવિધાઓ મળે છે. જો તેઓ બીજા સત્રમાં પણ સાંસદ રહે છે તો તેમને અલગ સત્રનું પણ પેન્શન મળે છે.

આ પ્રકારના તમામ સમાચાર માટેે App ડાઉનલોડ કરો.