ફોટા વાયરલ કરી તરુણીની છેડતી કરતાં હરેશ સોનીને પોલીસે પકડી ભૂત ઉતાર્યું

ફોટા ઇન્સ્ટાગ્રામમાં વાયરલ કરી તરુણીની છેડતી કરતાં દૂધસાગર રોડ પર રહેતાં હરેશ વનરાવન જગડા નામના શખ્સને બડિવિઝન પોલીસે દબોચી હવસનું ભૂત ઉતાર્યું હતું.
બનાવ અંગે ભોગ બનનાર તરૂણીના પિતા સિક્યોરિટી ગાર્ડ તરીકે નોકરી કરે છે. સંતાનમાં પાંચ બાળકો છે. તેણે પોલીસને જણાવ્યું કે અગાઉ જે વિસ્તારમાં રહેતા હતા ત્યાં જ આરોપી રહેતો હતો. આરોપી સાથે તેની સગીર પુત્રીને પ્રેમ સંબંધ બંધાયો હતો. 2021ની સાલમાં તેની પુત્રીને આરોપી ભગાડી ગયો હતો. એટલું જ નહીં પોતાના ઘરે લઇ જઇ લગ્નની લાલચ આપી શરીર સંબંધ પણ બાંધ્યો હતો.
જેથી આરોપી સામે ભક્તિનગર પોલીસમાં ગઇ તા. 31-10-2021ના રોજ અપહરણ, દુષ્કર્મ અને પોક્સો હેઠળ ફરિયાદ નોંધાવી હતી. 2022માં તે આ કેસ હારી ગયા હતા. જે તે વખતે તેને પુત્રીને આરોપી સાથે પ્રેમ સંબંધ બંધાયાની જાણ થઇ ત્યારે પુત્રીને સમજાવટ પણ કરી હતી. એટલું જ નહીં તે વિસ્તાર છોડી બીજા વિસ્તારમાં રહેવા જતા રહ્યા હતા. જ્યાંથી આરોપી તેની પુત્રીને ભગાડી ગયો હતો.
ગઇ તા. 19-7-2023ના રોજ તેણે પોતાના મોબાઈલ પર સર્ચ કરી આરોપીની ઇન્સ્ટાગ્રામ આઈડી ચેક કરતા તેમાં કર્યો હતો. આરોપી સાથે તેની પુત્રીના ફોટા અપલોડ કરેલા જોવા મળ્યા હતા. આ બાબતે પુત્રીને પૂછતા જણાવ્યું કે પાંચેક માસ પહેલા તે ભાઈને સ્કૂલે મૂકવા જતી ત્યારે આરોપી તેનો અવારનવાર પીછો કરતો હતો. એટલું જ નહીં તેની સાથે વાત કરવાનો પણ પ્રયત્ન કરતો હતો.
આ રીતે તેને ફોસલાવીને ફરીથી પ્રેમ સંબંધ બાંધ્યો હતો. ત્યારથી બંને એકબીજા સાથે ફરીથી વાત પણ કરવા લાગ્યા હતા.એક વખત શાળા નં. 15 પાસે એકલી ઊભી હતી ત્યારે ત્યાં આવી આરોપીએ તેની સાથે ફોટો પાડી લીધો હતો. જે ફોટો પછી પોતાના ઇન્સ્ટાગ્રામ આઈડીમાં અપલોડ કરી તેને વાયરલ કર્યો હતો.
બનાવ અંગેની ફરિયાદ પરથી બી. ડિવિઝન પોલીસ મથકના પીઆઇ આર.જી.બારોટ અને ટીમે અરોપીની ધરપકડ કરી કાયદેસરની કાર્યવાહી હાથ ધરી હતી.
9879405838

આ પ્રકારના તમામ સમાચાર માટેે App ડાઉનલોડ કરો.