રાજકોટ.દેશીની 64 પોટલી સાથે બે ઝડપાયા

મેટોડા જીઆઇડીસીમાં આવેલ ઔદ્યોગિક વિસ્તારમાં બેફામ દારૂ વેચાતો હોવાની અનેકવાર ફરિયાદો ઉઠી છે અને દારૂની રેલમછેલના અનેકવાર વીડિયો પણ વાયરલ થયેલ છે, તેમ છતાં પોલીસે આંખ આડા કાન કરતાં દારૂ બંધી સામે પણ સવાલો ઉઠ્યા છે. છાસવારે નાના નાના દારૂના ધંધાર્થીને પકડી પોલીસ સંતોષ માની લેતી હોય છે. તેવી જ રીતે લોધિકા પોલીસે મેટોડા જીઆઇડીસીના ગેટ પાસેથી બે શખ્સોને દેસીદારૂની 64 પોટલી સાથે દબોચ્યા સંતોસ માન્યો હતો.
પોલીસે જણાવ્યાં અનુસાર, લોધિકા પોલીસ મથકનો સ્ટાફ પેટ્રોલિંગમાં હતો ત્યારે મેટોડા જીઆઇડીસી ગેટ નં 3 પાસે આવેલ શ્રી રામ હોસ્પિટલ નજીક ઉભેલા શખ્સ પાસે રહેલ થેલીમાં તપાસ કરતાં તેમાંથી દેશીદારૂની 40 પોટલી મળી આવતાં આરોપી રાજેશ કિશોર મંડલીયા (ઉ.વ.26) ને દબોચી કાર્યવાહી કરી હતી.બીજા દરોડામાં મેટોડા જીઆઇડીસી ગેટ નં 1 પાસે આવેલ હોનેસ્ટ હોટલની બાજુમાં ઉભેલા શખ્સની નામ પૂછતાં મહિપાલસિંહ મહેન્દ્રસિંહ જાડેજા (ઉ.વ.22)ની પાસે રહેલ થેલીમાં તપાસ કરતાં તેમાંથી દેશીદારૂની 44 પોટલી મળી આવતાં આરોપીને પકડી કાર્યવાહી કરી હતી.

આ પ્રકારના તમામ સમાચાર માટેે App ડાઉનલોડ કરો.