રાજકોટમાં દીવાલ પર ભાજપના નિશાન કમળ પર ચોકડી મારીને ‘જૂની પેન્શન યોજના લાગુ કરો’ના લખાણ લખાયા

ગુજરાતમાં ચૂંટણી પહેલા સરકારી કર્મચારીઓએ તેમની માંગણીઓને લઈને મેંદાને છે. ત્યારે રાજકોટમાં દીવાલ પર ભાજપના નિશાન કમળ પર ચોકડી મારીને ''જૂની પેંશન યોજના લાગુ કરો'નું લખાણ કાળી સ્યાથી લખવામાં આવ્યું હતું. જેને પગલે ગુજરાતના રાજકારણમાં અનેક તર્ક-વિતર્ક થઇ રહ્યા છે.

આ અંગેની પ્રાપ્ત વિગતો અનુસાર થોડો સમય અગાઉ જ માર્ચ મહિનામાં શહેરના રેસકોર્સ રોડની દીવાલો પર ભાજપ દ્વારા 'કમળ'નાં ચિહ્નો દોરવામાં આવ્યા હતા. તાજેતરમાં આ સ્થળ નજીકથી કર્મચારી સંગઠન દ્વારા જૂની 'પેંશન' યોજના લાગુ કરવાની માંગ સાથે ભવ્ય રેલી કરવામાં આવી હતી. જો લકે હવે અહીં રહેલા ભાજપનાં 'કમળ'નાં નિશાન ઉપર ચોકડી કરવામાં આવી છે. સાથે જ અમુક કમળ ઉપર 'જૂની પેંશન યોજના લાગુ કરો'નું લખાણ લખવામાં આવ્યું હોવાનું સામે આવ્યું છે. જેને લઈને કર્મચારીઓમાં ભાજપ સરકાર સામે રોષ હોવાની ચર્ચાઓ વહેતી થઈ છે.

આ પ્રકારના તમામ સમાચાર માટેે App ડાઉનલોડ કરો.