પોલીસની ઉપરાછાપરી રેડ છતાં દારૂની રેલમછેલ, પદમલાના મકાનમાંથી 154 બોટલ મળી

વડોદરા,તા.17 ઓગષ્ટ 2022,બુધવાર બોટાદના તાજેતરના લઠ્ઠાકાંડ તેમજ વડોદરામાં અગાઉ 200 થી વધુ લોકોનો ભોગ લેનાર લઠ્ઠાકાંડના બનાવને પગલે વડોદરા પોલીસ દ્વારા દારૂ માટે સતત દરોડા પાડવામાં આવી રહ્યા છે તેમ છતાં હજી દારૂની રેલમછેલ થઈ રહી છે.વડોદરા પોલીસ દ્વારા છેલ્લા કેટલાક સમયથી દારૂની ભઠ્ઠીઓનો નાશ કરવામાં આવી રહ્યો છે તેમજ લાખોની કિંમતનો દારૂ પકડવામાં આવ્યો છે પરંતુ તેમ છતાં હજી પણ દારૂ બિન્દાસ્ત મળી રહ્યો છે.વડોદરાના છાણી વિસ્તારમાં આવેલા પદમલા ખાતે એક મકાનમાં દારૂનો મોટો જથ્થો ઉતારવામાં આવ્યો હોવાની વિગતોને પગલે ક્રાઈમ બ્રાન્ચ ની ટીમે દરોડો પાડયો હતો. પોલીસને જોઈ એક ભાગવા ગયો હતો પરંતુ તેને કોર્ડન કરીને ઝડપી પાડવામાં આવ્યો હતો. જ્યારે મકાનમાં તપાસ કરતા દારૂની બોટલ ભરેલા ત્રણ થેલા મળી આવ્યા હતા.પોલીસે કુલ 26 હજારની કિંમત ની દારૂની 154 નંગ બોટલ કબજે કરી હતી તેમજ સુરેશ ઉર્ફે પૂનમ સોમાભાઈ પઢીયાર ની અટકાયત કરી હતી. પૂછપરછ દરમિયાન દારૂનો જથ્થો નજીકમાં રહેતા રાજન માળી પાસે મેળવ્યો હોવાની વિગતો ખુલતા પોલીસે રાજન મળીને વોન્ટેડ જાહેર કરી તેની શોધખોળ હાથ ધરી છે.

આ પ્રકારના તમામ સમાચાર માટેે App ડાઉનલોડ કરો.