સવા નવમાં ઓફિસ પહોંચી જાવ, નહીંતર હાફ-ડે:સરકારી બાબુઓની લેટલતિફી હવે નહીં ચાલે, કેન્દ્રીય કર્મચારીઓની મનમાની પર સરકારની લગામ

સરકારી બાબુઓ, ઓફિસે મોડા આવવું અને વહેલા ઘરે જતું રહેવું... હવે આ લાંબો સમય નહીં ચાલે. કેન્દ્ર સરકારે સરકારી અધિકારીઓ પર સકંજો કસ્યો છે. સરકારે આવા કર્મચારીઓ માટે કડક ચેતવણી જારી કરી છે. તેમણે સ્પષ્ટ કર્યું છે કે જે સરકારી અધિકારીઓ આદતપૂર્વક મોડા આવે છે અને વહેલા નીકળી જાય છે તેમને ગંભીરતાથી લેવાની જરૂર છે. કેન્દ્ર સરકારે સ્પષ્ટ કર્યું છે કે સરકારી અધિકારીઓને ઓફિસમાં માત્ર 15 મિનિટ મોડા આવવાની મંજૂરી આપવામાં આવશે. દેશના તમામ કેન્દ્રીય કર્મચારીઓએ 9.15 સુધીમાં ઓફિસ પહોંચી જવું પડશે. માત્ર ઓફિસમાં સમયસર પહોંચવું જ મહત્વનું નથી પરંતુ ત્યાં તમારી હાજરી નોંધાવવી પણ મહત્વપૂર્ણ છે. એટલે કે કર્મચારીઓને બાયોમેટ્રિક એટેન્ડન્સ સિસ્ટમમાં પંચ કરવાની જરૂર પડશે. સિનિયર હોય કે જુનિયર, તમામ કર્મચારીઓ માટે બાયોમેટ્રિક હાજરી ફરજિયાત રહેશે. વાસ્તવમાં, ચાર વર્ષ પહેલા કોરોના રોગચાળા પછી, મોટાભાગના સરકારી કર્મચારીઓ બાયોમેટ્રિક પંચ જ નથી કરી રહ્યા. ઓફિસમાં મોડા આવશો, તો હાફ-ડે ગણાશે
કર્મચારી મંત્રાલય દ્વારા જારી કરવામાં આવેલા આદેશમાં કહેવામાં આવ્યું છે કે જો સ્ટાફ સવારે 9.15 વાગ્યા સુધી ઓફિસમાં નહીં આવે તો તેમને અડધો દિવસ ગણવામાં આવશે. જો કોઈ કારણસર કર્મચારી કોઈ ચોક્કસ દિવસે ઓફિસ ન આવી શકે તો તેને અગાઉથી તેની જાણ કરવાની રહેશે. જો કટોકટીના કિસ્સામાં રજા જરૂરી હોય, તો તમારે તેના માટે પણ અરજી કરવી પડશે. હવે તમામ વિભાગો તેમના કર્મચારીઓની ઓફિસમાં હાજરી અને તેમના સમયસર આવવા-જવા પર નજર રાખશે. કેન્દ્ર સરકારની તમામ કચેરીઓ સવારે 9 વાગ્યાથી સાંજના 5.30 વાગ્યા સુધી ખુલ્લી રહેશે. પરંતુ જુનિયર કર્મચારીઓનું મોડું આવવું અને વહેલા નીકળવું સામાન્ય બાબત છે. કર્મચારીઓ માટે કડક નિયમો
કર્મચારીઓએ 9.15 સુધીમાં ઓફિસ પહોંચી જવાનું રહેશે. મોડું થવાના કિસ્સામાં હાફ ડે ગણવામાં આવશે. કર્મચારીઓને સક્ષમ બાયોમેટ્રિક સિસ્ટમથી અટેન્ડન્સ કરવી જરૂરી છે, જે કોરોના રોગચાળાને કારણે સ્થગિત કરવામાં આવી હતી. જો કર્મચારીઓ ઓફિસમાં આવી શકતા ન હોય તો તેમણે અગાઉથી જાણ કરવાની રહેશે. તમામ વિભાગોના અધિકારીઓએ કર્મચારીઓની હાજરી અને સમયની પાબંદી પર નજર રાખવાની રહેશે. "અમે દૂરથી આવીએ છીએ, આથી મોડું થાય છે"
વરિષ્ઠ અધિકારીઓનું કહેવું છે કે તેમનો ઓફિસ આવવા માટે કોઈ નિશ્ચિત સમય નથી, તેઓ સામાન્ય રીતે સાંજે 7 વાગ્યા પછી જ નીકળી જાય છે. તેમની દલીલ એ પણ છે કે કોરોના પછી, તેઓને ઘણીવાર રજાઓ અથવા વીકઓફ દરમિયાન ઇલેક્ટ્રોનિક ફાઇલોની ઍક્સેસ સાથે ઘરેથી કામ કરવું પડે છે. વર્ષ 2014માં મોદી સરકારે સમયસર ઓફિસ આવવાના આદેશ આપ્યા હતા, તેનો વિરોધ પણ કર્મચારીઓએ કર્યો હતો. ઘણા કર્મચારીઓએ દલીલ કરી હતી કે તેઓ ખૂબ દૂરથી આવે છે.

આ પ્રકારના તમામ સમાચાર માટેે App ડાઉનલોડ કરો.