વડોદરામાં કોરોનાના એક જ દિવસમાં ૧૩૬ પોઝિટિવ કેસ નોંધાયા

 વડોદરા,શહેરમાં કોરોનાના કેસમાં  ફરી એકવખત ઉછાળો આવ્યો છે.ગઇકાલે નોંધાયેલા ૭૪ પોઝિટિવ કેસની સંખ્યા એક  જ દિવસમાં વધીને ૧૩૬ થઇ ગઇ છે.ગત ૨૩ મી તારીખે ૧૧૯ પોઝિટિવ કેસ નોંધાયા  પછી આજે ફરીથી ૧૦૦ થી વધુ પોઝિટિવ કેસ નોંધાયા છે.અને ૩૧ દર્દીઓ ઓક્સિજનના સપોર્ટ પર છે.આરોગ્ય વિભાગની ટીમ દ્વારા ચોવીસ કલાક દરમિયાન શહેર અને ગ્રામ્ય વિસ્તારમાં રહેતા ૨,૧૯૫ લોકોના સેમ્પલ કોરોના ટેસ્ટ માટે લેવામાં આવ્યા હતા.જે  પૈકી ૧૩૬ લોકોના રિપોર્ટ પોઝિટિવ આવ્યા છે.જ્યારે ગઇકાલે ૨,૧૪૮ લોકોના સેમ્પલ લેવામાં આવ્યા હતા.તે પૈકી ૭૪ ના રિપોર્ટ પોઝિટિવ આવ્યા હતા.ગઇકાલે શહેરમાં એક્ટિવ કેસની સંખ્યા ૫૭૫  હતી.જે આજે વધીને ૬૦૭ થઇ ગઇ છે.ગઇકાલે ઓક્સિજનના સપોર્ટ પરના દર્દીઓની સંખ્યા ૨૮ હતી.જેમાં આજે વધારો થયો છે.આજે ૩૧ દર્દીઓ ઓક્સિજનના સપોર્ટ  સાથે હોસ્પિટલમાં દાખલ છે.જ્યારે ક્વોરન્ટાઇન લોકોની સંખ્યા ગઇકાલ કરતા ૨૪૮ વધીને ૫૪૪ થઇ ગઇ છે.

આ પ્રકારના તમામ સમાચાર માટેે App ડાઉનલોડ કરો.