શ્રી લાલ બહાદુર શાસ્ત્રી પ્રાથમિક શાળા નંબર 25 માં 78 માં સ્વાતંત્ર્ય દિનની ઉજવણી

(કનુભાઈ ખાચર દ્વારા )
આજ રોજ શ્રી લાલ બહાદુર શાસ્ત્રી પ્રાથમિક શાળા નંબર 25 માં 78 માં સ્વાતંત્ર દિનની ઉજવણી કરવામાં આવી હતી. એક સલામ દીકરીને નામ અંતર્ગત શાળાની વિદ્યાર્થીની ગોપીબેન કઠેકીયાના હસ્તે ધ્વજવંદન કરવામાં આવ્યું હતું. ધ્વજવંદન બાદ શાળામાં નાનકડો એવો સાંસ્કૃતિક કાર્યક્રમ નું આયોજન કરવામાં આવ્યું હતું જેમાં દેશભક્તિ થીમ આધારિત જુદી જુદી કૃતિઓ બાળકો દ્વારા રજુ કરવામાં આવી હતી. આજના કાર્યક્રમમાં વધાવવા કોર્પોરેટર શ્રી રવજીભાઈ વાટુકિયા .એસએમસી અધ્યક્ષ વિષ્ણુદાસ દાણીધારીયા, તેમજ એસએમસીના સભ્યો, વિશાળ સંખ્યામાં વાલીગણ અને વિદ્યાર્થીઓ હાજર રહ્યા હતા. તેમજ શાળામાં નટવરભાઈ કણઝરીયા તરફથી દાનમાં આવેલ કુલર ને મહેમાનોના હસ્તે ખુલ્લુ મુકવામાં આવ્યું હતું. આજના કાર્યક્રમને સફળ બનાવવા શાળાના આચાર્ય હરેશભાઈ ભોજક અને શિક્ષકભાઈ બહેનોએ જહેમત ઉઠાવી હતી.

આ પ્રકારના તમામ સમાચાર માટેે App ડાઉનલોડ કરો.