તું પાછળથી મારી ખટપટ કરે છે કહીં યુવક પર શૈલેષ ભંડેરીનો છરીથી હુમલો

સહકાર સોસાયટીમાં તું કેમ મારી પાછળથી ખટપટ કરે છે તેમ કહીં સચીન બારોટ પર શૈલેષ ભંડેરી નામના શખ્સે છરીથી હુમલો કરતાં સારવારમાં ખસેડાયો હતો. બનાવ અંગે ભક્તિનગર પોલીસની ટીમે ગુનો નોંધી તપાસ હાથ ધરી હતી.
બનાવ અંગે 80 ફૂટ મેઈન રોડ પર ક્રિષ્ના લેબોરેટરીની બાજુમાં રહેતાં સચીનભાઈ કિશોરભાઈ બારોટ (ઉ.વ.40) એ નોંધાવેલ ફરીયાદમાં આરોપી તરીકે શૈલેષ ભંડેરી (રહે. સહકાર સોસાયટી શેરી નં.8) નું નામ જણાવ્યું હતું કે, તેઓ સ્ટોક માર્કેટમા ઓનલાઇન ટ્રેડીંગનો વ્યવસાય કરે છે.
તેમનો મિત્ર શૈલેશ ભંડેરીનો આઠેક દિવસ પહેલા ફોન આવેલ કે, હું દ્વારકા ધજા ચડાવવા જાવ છુ તારે કાંઈ ત્યા ફાળો મોકલવો હોય તો કહેજે જેથી રૂબરૂ જઈ ફાળા પેટે 500 રૂપીયા આપી આવેલ બાદ ગઈકાલે તેના મીત્ર હેમંતભાઈ બોરીચાના બર્થ ડે પાર્ટીમાં સીટી ગેસ્ટ હાઉસ પાસે તેઓ ગયેલ અને ત્યા શૈલેશ ભંડેરી પણ હાજર હતો.
બાદમાં તેઓ ઘરે જવા માટે નીકળેલ અને ત્રિશુલ ચોક પાસે પહોચેલ ત્યારે શૈલેશ ભંડેરીનો ફોન આવેલ કે, તુ શુ મારી પાછળ વાતો કરે છે તુ મારા ઘરે આવ જેથી તેઓ તેના ઘરે ગયેલ ત્યારે તેને કહેલ કે, તુ મારી પાછળથી ખટપટ કરે છે તેમ કહી ગાળો આપી ઝગડો કરવા લાગેલ અને છરીથી હુમલો કર્યો હતો. બાદમાં તેઓને સારવારમાં સિવિલ હોસ્પિટલમાં ખસેડેલ હતો. બનાવ અંગેની ફરીયાદ પરથી ભક્તિનગર પોલીસે ગુનો નોંધી આરોપીની ધરપકડ કરવા તજવીજ હાથ ધરી હતી.

આ પ્રકારના તમામ સમાચાર માટેે App ડાઉનલોડ કરો.