મહાકુંભમાં ભીડ, હેલિકોપ્ટરથી દેખરેખ:યોગીએ કહ્યું- આજે અને કાલનો દિવસ પડકારજનક, અત્યાર સુધીમાં 34 કરોડ ડૂબકી મારી ચૂક્યા છે; શહેરમાં વાહનોને નો-એન્ટ્રી

આજે મહાકુંભનો 21મો દિવસ છે. સવારે 10 વાગ્યા સુધી 72.36 લાખ ભક્તોએ સ્નાન કર્યું હતું. 13 જાન્યુઆરીથી અત્યાર સુધીમાં 34.33 કરોડથી વધુ લોકોએ સંગમમાં ડૂબકી લગાવી છે. હેલિકોપ્ટર દ્વારા ભીડ અને સુરક્ષા પર નજર રાખવામાં આવી રહી છે. bસંત પંચમી સ્નાનને ધ્યાનમાં રાખીને પ્રયાગરાજ શહેરમાં 2 થી 4 ફેબ્રુઆરી સુધી બહારના વાહનોનો પ્રવેશ બંધ કરી દેવામાં આવ્યો છે. ભક્તોએ તેમના વાહનો શહેરની બહાર પાર્કિંગમાં પાર્ક કરવાના રહેશે. પાર્કિંગમાંથી તેઓ શટલ બસ દ્વારા અથવા પગપાળા ઘાટ પર પહોંચી શકશે. નાના અને મોટા વાહનો માટે અલગ-અલગ પાર્કિંગની વ્યવસ્થા કરવામાં આવી છે. તમામ રેલવે સ્ટેશનો પર વન-વે સિસ્ટમ લાગુ કરવામાં આવી છે. એક બાજુથી ભક્તો આવશે તો બીજી બાજુથી બહાર જશે. શનિવારે સીએમ યોગીએ વસંત પંચમીને લઈને સમીક્ષા બેઠક યોજી હતી. યોગીએ કહ્યું- 2જી અને 3જી ફેબ્રુઆરી મહાકુંભ માટે પડકારજનક છે. તેમજ, ધીરેન્દ્ર શાસ્ત્રીએ મોક્ષ વિશેના નિવેદન પર સ્પષ્ટતા આપી છે. તેમણે કહ્યું- મારા નિવેદનને તોડી-મરોડીને રજુ કરવામાં આવ્યું છે. અમારો મતલબ એ હતો કે આપણી વૈદિક પરંપરામાં ગંગાના કિનારે મૃત્યુ વિશે મોક્ષની પદ્ધતિનો ખ્યાલ છે. ગાઝિયાબાદના બીજેપી ધારાસભ્ય નંદકિશોર ગુર્જરે એક યુટ્યુબ ચેનલ સાથે વાત કરતા કહ્યું - શું આ 50 કરોડનો આંકડો માત્ર કહેવા માટે હતો? જ્યાં સુધી એક-બે અધિકારીઓ જેલમાં નહીં જાય ત્યાં સુધી NSA કેસ નોંધાશે નહીં... આ અકસ્માત નથી, હત્યા છે. જો યુપીના મુખ્ય સચિવ વિરુદ્ધ હત્યાનો કેસ નોંધવામાં આવે તો તેમણે રાજીનામું આપી દેવું જોઈએ. મહાકુંભ સંબંધિત અપડેટ્સ માટે, નીચેના બ્લોગ પર જાઓ…

આ પ્રકારના તમામ સમાચાર માટેે App ડાઉનલોડ કરો.