કેનાલ રોડ પર ફર્નીચરના ગોડાઉનમાં આગ ભભુકી: રૂ.5 લાખનો માલ સળગીને ખાખ

કેનાલ રોડ આવેલ ઇન્ડીયન આર્યન વર્કસ નામના ફર્નીચરના ગોડાઉનમાં શોટ સર્કીટના કારણે આગ લાગતા તેમા રહેલ ફોમ, કાપડ, સીલાઇ મશીન, સેટી, પલંગ સહીતની વસ્તુઓ બળીને ખાખ થઇ ગઇ હતી. જેમાં અંદાજીત ચારથી પાંચ લાખનું નુકસાન થવા પામ્યું હતું. બનાવની જાણ થતા ફાયરબ્રીગેડની ટીમ દોડી ગઇ હતી. અને પાણીનો મારો ચલાવી જહેમતે આગ પર કાબુ મેળવ્યો હતો.
બનાવની વિગત અનુસાર કેનાલ રોડ આવેલ ઇન્ડીયન આર્યન વર્કસ નામના ફર્નીચરના ગોડાઉનમાં શોટ સર્કીટના લાગતા આસપાસના વિસ્તારના લોકો ઘર બહાર દોડી આવ્યા હતા અને ગોડાઉન માલીકને જાણ કરતા સુનીલગીરી મોહનગીરી ગૌસ્વામી દોડી આવ્યા હતા. અને તેને ફાયર બ્રીગેડને જાણ કરતા મુખ્ય ફાયર સ્ટેશન ટીમ દોડી આવી હતી અને પાણીનો મારો ચલાવી ભારે જહેમત બાદ આગ પર કાબુ મેળવ્યો હતો. વધુમાં ગોડાઉનના માલીકે જણાવ્યું હતું કે, ગોડાઉનમાં ફર્નીચરની વસ્તુનું મેન્યુફેકચરીંગ થાય છે.
જયાં ગત રાત્રીના શોટ સર્કીટના કારણે આગ લાગતા તૈયાર થયેલ સોફા સેટી, પલંગ, ફોમ, કાપડ તેમજ બે સીલાઇ મીશન અને ખુરશી સહીતની નવી તૈયાર થયેલ વસ્તુઓ સળગીને ખાખ થઇ ગઇ હતી. જેમાં અંદાજીત ચારથી પાંચ લાખનું નુકસાન થયાનો અંદાજ છે.આગને કાબુમાં લેવા માટે ફાયરબ્રીગેડના ફાયરમેન કમલેશ જીંજુવાડીયા, તાજસિંહ અને હિંમાસુભાઇ સહીતનાએ જહેમત ઉઠાવી હતી.

આ પ્રકારના તમામ સમાચાર માટેે App ડાઉનલોડ કરો.