સંત કબીર રોડ નંદુબાગ સોસાયટીમાં જુગાર રમતા પાંચ ઝડપાયાં

શહેરનાં સંત કબીર રોડ નંદુબાગ સોસાયટીમાં જુગાર રમતા પાંચને પકડી પાડયા હતાં. બી ડિવિઝન પોલીસે રોકડ રૂ.24,520 કબ્જે કરી કાયદેસરની કાર્યવાહી હાથ ધરી હતી.
મળતી વિગત મુજબ બી ડિવિઝન પોલીસ મથકના હેડ કોન્સ્ટેબલ કે. એન. જાડેજા, આર.એલ.બાળા તથા કોન્સ્ટેબલ રાજદીપભાઈ પટગીર, ભાનુશંકર ધાંધલા, જયદિપસિંહ બોરાણા તથા પી.એસ.આઈ કે.ડી.મારૂ પેટ્રોલિંગમાં હતાં દરમિયાન ખાનગી રાહે હકીકત મળેલ કે સંત કબીર રોડ નંદુબાગ સોસાયટી શેરી નં.2 રહેતા નથુભાઈ ગગજીભાઈ રાઠોડ પોતાના મકાનમાં બહારથી માણસો બોલાવી જુગાર રમાડે છે.
જે બાતમીના આધારે દરોડો પાડી તે સ્થળ પરથી જુગાર રમતા મકાન માલિક નથુભાઈ ગગજીભાઈ રાઠોડ (ઉ.વ.68), અને સંતકબીર રોડ નંદુબાગ સોસાયટી શેરી નં.02માં રહેતાં બાલુભા ઉમેદસિંહ જાડેજા (ઉ.વ.67), જીતેન્દ્રભાઈ પ્રાણજીભાઈ વ્યાસ (ઉ.વ.53) તેમજ મહેશભાઈ ગગજીભાઇ ડોડીયા (ઉ.વ.54, રહે.કુવાડવા રોડ શિવપરા શેરી નં-2 રામજી મંદીર પાસે,રાજકોટ), અકબરભાઈ રસુલભાઈ સૈયદ (ઉ.વ.52, રહે. નવાગામ છપ્પનીયા ક્વાર્ટર બ્લોક નં-20, રાજકોટ) ને દબોચી લીધા હતા. પોલીસે રોકડ રૂ.24,520 કબ્જે કરી જુગાર ધારાની કલમ હેઠળ ગુનો નોંધી કાયદેસરની કાર્યવાહી હાથ ધરી હતી

આ પ્રકારના તમામ સમાચાર માટેે App ડાઉનલોડ કરો.