પ્રવેશોત્સવમાં વિદ્યાર્થીઓ હાજર, ધારાસભ્ય ગેરહાજર, બાળકોને માસ્ક પહેરાવ્યા, મહાનુભાવોએ ન પહેર્યા!

ધારાસભ્ય વસોયા અને રાદડિયા ન આવ્યા: પહેલા દિવસે ધો.1માં 5799, આંગણવાડીમાં 3548ના નામાંકન થયા.

રાજકોટ સહિત રાજ્યભરમાં ગુરુવારથી ત્રિદિવસીય શાળા પ્રવેશોત્સવ શરૂ થયો છે જેમાં રાજકોટ જિલ્લામાં પણ જુદી જુદી સરકારી શાળાઓમાં બાળકોને આંગણવાડી અને ધોરણ 1માં વાજતે-ગાજતે પ્રવેશ અપાયો હતો. આ તકે બાળકોને પ્રવેશ અપાવવા માટે દર વર્ષની જેમ આ વર્ષે પણ મંત્રી, ધારાસભ્યો, પદાધિકારીઓ, અધિકારીઓને આમંત્રિત કરાયા હતા પરંતુ કેટલીક શાળાઓમાં તેઓ હાજર રહી શક્યા ન હતા.

જ્યારે બીજી બાજુ સ્કૂલમાં માસ્ક ફરજિયાત કરાયા બાદ પ્રવેશોત્સવમાં પણ વિદ્યાર્થીઓએ માસ્ક પહેર્યા હતા, પરંતુ મહાનુભાવોએ માસ્ક પહેરવાની તસ્દી લીધી ન હતી. પ્રવેશોત્સવના પ્રથમ દિવસે ધારાસભ્ય જયેશ રાદડિયા જામકંડોરણાની ઇન્દિરાનગર પ્રાથમિક શાળા, ધોળીધાર તાલુકા શાળા અને સાજડિયાળી પ્રાથમિક શાળામાં બાળકોને શાળા પ્રવેશ કરાવવાના હતા.

આ પ્રકારના તમામ સમાચાર માટેે App ડાઉનલોડ કરો.