વિવાદ તળાજાના બોરડા ગામના શખ્સે ત્રણ દર્શનાર્થીઓને ગંભીર મારમાર્યો

ભાવનગર જિલ્લાના સુપ્રસિદ્ધ યાત્રા ધામ ભગુડા ખાતે દર્શન કરવા ત્રણ યુવક કારમાં જતા હતા તે વેળાએ બોરડા ગામે સામેથી આવતા ટ્રેક્ટરના ચાલકે યુવકની કાર સાથે અકસ્માત કરી, ત્રણેય યુવકને કારમાંથી નીચે ઉતારી ટ્રેક્ટરનો ચાલક તેમજ અજાણ્યા શખ્સોએ મળી ત્રણેય યુવકને ગંભીર રીતે મારમારતા ભાવનગર ખાનગી હોસ્પિટલમાં ખસેડાયા હતા.

ભાવનગર જિલ્લાના ભગુડા તેમજ બગદાણા સુપ્રસિદ્ધ યાત્રાધામ આવેલ છે જ્યાં સમગ્ર ગુજરાત જ નહીં પરંતુ વિદેશમાંથી શ્રદ્ધાળુઓ દર્શનાર્થે આવતા હોય છે ત્યારે સુરત ખાતેથી ધવલભાઇ જંયતિભાઈ મેળજા તેમના બે મિત્રો સાથે ભગુડા દર્શનાર્થે જતા હતા તે વેળાએ તેઓએ તેમની કારને આગળ જતી એસ.ટી. બસની સાઇડ કાપી જતા હતા તે વેળાએ બોરડા ગામે રોંગ સાઇડમાં આવેલા ટ્રેક્ટર ચાલક મથુરભાઇ લખમણભાઇ ભાલીયા (રહે. બોરડા, તા. તળાજા) એ ધવલભાઇની કાર સાથે અકસ્માત કરી, ટ્રેક્ટરનો ચાલક તેમજ ટ્રેક્ટરમાં બેસેલા બીજા માણસોએ નીચે ઉતરી કારમાં રહેલા ત્રણેય યુવકોને નીચે ઉતારી ધોકા, પાઇપ વડે ગંભીર મારમારતા, ત્રણેય યુવકોને ભાવનગરની ખાનગી હોસ્પિટલમાં ખસેડાયા હતા જ્યાં દાઠા પોલીસે ટ્રેક્ટર ચાલક મથુરભાઇ ભાલિયા વિરૂદ્ધ પોલીસ ફરિયાદ નોંધી કાર્યવાહી કરી હતી.

અહેવાલ ભુપત ડોડીયા બગદાણા

આ પ્રકારના તમામ સમાચાર માટેે App ડાઉનલોડ કરો.